Popular Bible Verses from ئنجیل مەتا 15

Паҳн кунед

وەلێ هەر چی له دەمەو تێدە دەیشت، له دڵەو دەێده دەیشت و ئیەسه که ئایەم ناپاکەو کەی. چوینکه له دڵه که فکریل خراو، خوین‎کردن، داوانپێسی، خیزی، دزی، شاێەتی درو، بخت کردن تێدە دەیشت.

ئەو چشته که چوده ناو دەم، ئایەم ناپاکەو نیەکێ بەڵکەم ئەو چشته که له دەمەو تێدە دەیشت، ئەوه ئایەم ناپاکەو کەی.»

«”ئی قەومه وه دەم زوانەو حرمەتم گرن، وەلێ دڵیان له مه دویره. ئەوانه وه هویچ‎پەتی پەرەسشم کەن، تالیمیانیش چشتێگ بێجگه حوکمیل ئنسانی نیه.“

ئمجا عیسا وەت: «ژنەگه، ئیماند فره گەوراس! ئەوه که داوا کەی با ئەڕاد بکرێد!» هەر ئەو ئانه دویەتەگەێ شەفا گرد.

وەلێ ژنەگه هات وه نوای عیسا زرانی دا زەوی و وەت: «گەورەم، مەیەتم بیه!» عیسا جواو دا: «درس نیه نان مناڵیل بگرید و بخیده وەر گەماڵیل.» ژنەگه وەت: «بەڵێ گەورەم، وەلێ تەنانەت گەماڵیلیش له ورده نانەگان که له سفرەێ ساێوەگەێان کەفێ، خوەن!»