Popular Bible Verses from Juan 16

Паҳн кунед

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Pero káddemát nu Banal a Ispirito a tagapagtoldu tu tatahoden ay tulungan nakam para maintendiyan moy u atanan a tatahoden. U itoldu na ay bakán a gábwat nikuna, nan u nasaneg nala tu Diyos u kagiyán na. Sakay kagiyán na be nikam u tungkul tu bagay hide a dumemát.

Hanggan nadid ay awan kam palla ti inaged nikuna tu pamamag-itan nu ngahan ko. Mangaged kam tán makatanggap kam, tán magin tunay u kasayaan moy.”

Pero kagiyan ko nikam u tatahoden a para tu kapiyyaan moy u kállakad ko, dipo awan he umangay u Banal a Ispiritu a tagagiyya nikam, ni awanák lumakad. Pero ni lumakadák ay paangayán ku he siya nikam. Káddemát na ay patunayan na tu tolay hide ti munduway a male u pákkaintendi de tungkul tu kasalanan, sakay tungkul tu pagkamatuwid, sakay tungkul tu pághatul nu Diyos.

Konna kam bi hod. Malungkut kam nadid, pero masaya kam tu aldew a mamágketa kitam a huway. Sakay awan ti maskin ti deya a makaagew tu kasayaan moy. Ti aldiwan itod ay awan moy dán kailangan a magtanung nikán. Kagiyán ko nikam u tatahoden: Anya man u agidan moy tu Ama tu pamamag-itan nu ngahan ko ay iyatád na.

Tatahoden, magsanget kam sakay maglungkut tu mangyare nikán, pero masaya u taga-mundu hide. Mágkalungkut kam, pero u kalungkutan moy ay mapalitan ti kasayaan.