Popular Bible Verses from लूको 3

Паҳн кунед

अपेहल भत्ते मीहज़ी बपतिस्मा लेहप्ती, दंङ यीशु ला बपतिस्मा लेहपच़ा प्रार्थना लहज़ी लेहकी तोहई दुह मुका स्वर्ग अल्सा इलि, दंङ पवित्र आत्मा कबूतरो ठ्रोह दोऊ टोईच़ी अति, दंङ स्वर्गंङज़ि परमेश्वरो सग अति कि, “का गिऊ प्यारे योह शुनाह। दंङ गेह करंङ साते खुश तोतोग।”

दंङ यूहन्नाज़ि दोतंङ जुबाब रन्दो, “गेह ता केतिंङ ती रंङ साते बपतिस्मा रंड्रातग, पर दुह अपिमी तो अंऊ गेह बे ला शक्तिमान तोह; गेह दिऊ जोगे ला माह शूगाह कि कोंङा शुहचे दोऊ बुटो तस्मा युफोग, दोई केतिंङ पवित्र आत्मा ए मेह रंङ साते बपतिस्मा रमतो।

दिऊ थल्जी केनातु व्यवहार दोरच़ी दिह साबित लांही कि केहच़ी पापो दोरच़ी सेहम यह्च़ी चरच़ातंई; दंङ परमेश्वरो कछंङ अच़ा अन्दंई। दंङ दिह थाह सोचेक्तुंई कि केरे दिह कुट्रा सज़ाओ दोरच़ी बचेके योंई कि ञेंहतु बाह-मेमे अब्राहम शुह। गेह केतंङ साते कुट्रातग कि परमेश्वर दिह रघटेतु दोरच़ी लाह अब्राहमो थल्जी औलाद पैदा लेह तरपोतो।

दिऊ थल्जी हेंतेग केहरे परमेश्वरो न्याय ओ थल्जी तेयार बंङज़ोंई छना कुचे मकुड़ी बुटो जड़ ट्रिकट्रिमी थल्जी तेयार तोह, अंहउसंङ, अंहउसंङ बुट रूठे फल माह हपतो, दुह ट्रिके मेहरिंङ केचे केओतो।”

छना यशायाह भविष्यवक्ताओ कुहषी बचनो कताबो अंद्रेग च़ेहसी तोह; “सुनसान ठाहरीरिंङ इच्च़ा मीहू हऊषेपि सग थापि लेहकी तोह कि, प्रभुऊ अम तेयार लांही दंङ केनाहतिंङ सुधारेतुंई। भत्ते घाटिरे पिंङे योतो, दंङ हर इच्च़ा गोहू ए रह्घ योंहखा शोतो, दंङ अंऊ ढेहरे ए सीधा तोह दुह बराबर शुहचे शोतो। दंङ भत्ते मीहरेर दोबि खमोर अच़ि परमेश्वरे दोतिंङ बचाएच़िमी थल्जी च़रसी ततो।”