Popular Bible Verses from लूका 3

Паҳн кунед

जव सब मानछेने बपतिस्मा लेदा आरू ईशु भी बपतिस्मा लीन प्रार्थना कर रयो हुतो, तो सोरग उघड़ी गया, “आरू चुखलो आत्मा डीलोन रूप मा पेरवाक समान उना पर उतरियो, आरू यो सोरगवाणी होयी: तु मारो मोंगावु पोर्‍यो छे, हाव खुश छे।”

तो यहुन्ना बपतिस्मा देनेवावो उन सब छे कयो, “हाव तो तुमूक पानी छे बपतिस्मा देतो छे, पुन वो आवनेवाळा छे जो मखे छे शक्तिमान छे; हाव तो इनीये योग्य भी नी कि ओका खासड़ा क दुरू छुड़ सको; वो तुमूक चुखली आत्मा छे बपतिस्मा देसे।

शेवली कावा मन फिराव क योग्य वारू करो, आरू मन मा याहा नी सुचिया कि आमरो बास अब्राहम छे; काहकि हाव तुमू छे कयता छे कि यहोवा–भगवान इनु दगड़ा सी अब्राहम क करता संतान पैदा कर सकता छे।

हिमी कुराड़ झाड़को की मुव पर धरा छे, एरकरीन जो झाड़को वारू फोव नी लायो, त्यो काट्यो आरू आगठो मा न्हाख दियो जासे?”

जोसो यशायाह कागळियान क कयो हुयो वचन की किताब मा लिख्यो छे: “जंगल मा एक आयड़ने वावा क ओवाज होय रया छे कि, पोरबु क मार्ग तीयार करो ओकी सड़के सुधी बनावु।” हर एक घाटी भर देय जाछे, आरू हर एक बयड़ा आरू टीला नेचा कर्‍या जाछे; आरू जो वाकड़ी वाट छे सुधी, आरू जो उचो नेचो छे वो चौरस मार्ग बनावछे। “आरू हर मानवप्राणी यहोवा–भगवान क उध्दार क देखछे।”