तब मुख्य पुरोहितों न, अध्यक्ष लोगु का दगड़ा मा मिली के सला कैरी। अर सिपयों तैं भौत रुपया देके बोलि कि, “सुणा, तुम लोग इन बुलयां कि, ‘राति जब हम सियां छा, तब वेका चेला ऐनी अर वेकी लांश तैं चुरै के लि गैनी।’ अर अगर जु या बात गवर्नर तक पौंछी जालि, त हम ऊंतैं समझै द्यूला अर तुमतै मुसीबत से भि बचै द्यूला।” तब पैरादारों न रुपया लेके उन्नि कैरी जन ऊंतैं सिखै गै छौ। अर यहूदी लोगु मा आज का दिन तक या बात इन्नि फैली च कि यीशु कि लांश चुरयै गै।