Popular Bible Verses from Yowani 21

Паҳн кунед

Mango bábaa bera bâkúlaa, Yesu era kubusa Simoni Petero mbu: «Simoni mwenyi Yowani! Eri utúla unyísimire kurenza ngo'kwa bano banji nabo batúla banyisimire?» Nai mbu: «Enawetu, si weine ùnêshi kwa nyitúla nyikusimire.» Yesu era kumubura mbu: «Úndaa wêresa ebyana bye'mbuli sanyi ebiryo.» Yesu era kumubusa ebwakabiri mbu: «Simoni mwenyi Yowani! Eri utúla unyísimire!» Nai kanji mbu: «Nechi Enawetu! Si weine ùnêshi kwa nyitúla nyikusimire.» Yesu era kumubura kanji mbu: «Úndaa wálanga embuli sanyi.» Chasinjire, Yesu era kumubusa ebwakahatu mbu: «Simoni mwenyi Yowani! Eri utúla unyísimire!» Petero era kwire ásibuka, bushi na Yesu ekumubusa kahatu mbu eri atúla àmusimire. Bushi no'ku, era kwire ámwǎkula mbu: «Enawetu, si utúla wìshi byoshi! Rero, ùnêshi kanangana kwa nyitúla nyikusimire.» Yesu era kumubura kanji mbu: «Úndaa wêresa embuli sanyi ebiryo.

Kubinali, nákubura kwa mango wábaa uchíri mutabana, wéndee wáchěmbasa emukaba wao weine, kanji wéndee wáya era unásimire. Si mango ukákunguwa, kunánula ku ukénde wánanula emaboko mao, unji mundu ánakwěmbasa emukaba, ánakweka ne'ra utáhonda.»

Era kwire ábabura mbu: «Muúmaa ekasira kenyu kwa lunda lwe'malyo lwe'bwato, eri mwèta efi.» Bera kunákauma kwo'lu lunda. Bera kwîta efi sinene busese, bera kunáikira báfundwa kukululira ekasira mwa bwato.

Simoni Petero era kubura balikabo mbu: «Nyono nera náchiira kufuba efi.» Nabo mbu: «Netu twáchiendera nao.» Bera kuna chiuma, na bérukira mu bwato buuma. Si mwo'bu butufu boshi, bátabona chiro ne'limboolo.