Popular Bible Verses from Yowani 19

Паҳн кунед

Mango Yesu ábaa era ànunusaa kwe'i tifai, era kuteta mbu: «Byoshi byàberere mira!» Chasinjire, era kwínamirisa etwe, na átowa emuchima.

Era nyuma se'bi, Yesu era kumenya kwa emyasi yoshi era yátetwaa mwa Maanjiko Mabuya-buya yàberere mira. Era kwire áteta mbu: «Náfa châmi.»

Mango Yesu álolaa kwa nyina eménze ofu ne'mwanafunzi* ola ábaa atúla asímire, era kubura nyina mbu: «Mama, uményaa kwa óyola i'muala wao.» Chasinda, era kubura no'yu mwanafunzi* mbu: «Uményaa kwa oyola i'nyoko.» Kutengera mwe'chi chihangi, oyu mwanafunzi* era kwêka Mariya ala mwai.

Si mango báikaa ala Yesu ábaa àli, bera kulola kwa àfire mira. Bushi no'ku, chiro bákachimufunanganga emaulu. Si muuma mubo, era kubandanga Yesu efumo mwa lukanga. Unao-unao, mwo'lu lukanga mwera kushesheka mikira na meshi.

Byábaa bacha, chasiya cha chinwa chibérere, cha Maanjiko Mabuya-buya matúla màtechire mbu: «Kutali chiro ne'kinya lyai lya likáfunyika.» Kanji eMaanjiko Mabuya-buya matúla màtechire mbu: «Oyu bábandangaa efumo, bangámutumbikisa.»

Na Yesu era kutenga mwa musi éte emusalaba wai yeine. Era kuika ala bénde bérika mbu: «Kângasi» kukuteta mbu: «Kolokota» mwa Chieburaniya.

Abu basula, bera kuluka enzita mwa mihoi-hoi na bémbasa'i Yesu kwe'twe. Bera kumwěmbasa ne'ropo lya mwola.