Popular Bible Verses from Yowani 15

Паҳн кунед

«Nyono nyi muchi we'musabibu*, nenyu mu matabi. Ola wáendekera kuba mwa ndanda sanyi, nanyi nába mwa ndanda sai, oyola iwénde wêka bifuma binene. Si busira nyono, mùtangaala kuira kandu kasibya.

Muéndekeraa kuba mwa ndanda sanyi, ngo'kwa nanyi nyitúla mwa ndanda senyu. Bushi etabi lye'musabibu*, lìtangaala kwéka bifuma lyeine, akaba litáli kwo'yu muchi we'musabibu*. Rero nenyu mùtangaala kwéka chiro na chifuma chisibya akaba mutáli mwa ndanda sanyi.

«Si akaba mùnganaendekera mwába mwa ndanda sanyi, ne'myasi yanyi yáendekera yába mwa michima yenyu, aola mwera mùnganema Tata choshi cha muhónjire, ànaberese'chi.

Mwabo atá mumwányilondolaa, si nyono nyínabalondolaa, nera kubabura mbu muéndaa, mwěke ne'bifuma bya bitákawe. Bushi no'ku, choshi cha mungénde mwéma Tata kwe'sina lyanyi, angénde ánaberesa'chi.

Kutali mundu ola wète nzii inene kurenza ola wêmerera kwâna ekalamo kai bushi na bera bai.

Na akaba kuli etabi lya lìnyimerire'ko, si lìteka bifuma, kuika anáishe'li. Si lya lyénde lyêka ebifuma, lyeke énde álihabulira chasiya lyěke bifuma binene busese.

«Rero, emuomba* ola nàbêresise i'yono: Mundaa mwásimana, ngo'kwa nanyi nyitúla nyibasimire.

Akaba mùngeka bifuma binene, Tata àngaya ngulu busese. Ne'chi chi chìngatuma mwámenyeka kanangana kwa munáli banafunzi* banyi.

«Nyono nyi muchi we'musabibu* we'kanangana, na Tata i'muinzi.

Na akaba emundu àtangaéndekera kuba mwa ndanda sanyi, kuika anáumwe era butala. Aola, ánaba nge'tabi lya bàkabulaa, na lyôma. Ne'matabi ma mòmire, kumalunda-lunda ku bénde bámalunda-lunda, na bámauma mwa muliro, chasinda mánasirera.

Ei myasi yoshi, nàbabwirire'i, chasiya elumoo lwanyi luéndekere kuba, kanji lunábe lunene busese.

Akaba mùngatunda emiomba* yanyi, mukánaendekera kuba mwe'i nzii yanyi, ngo'kwa nanyi nyitúla nyìtunjire emiomba* ya Tata, ne'kuendekera kuba mwa nzii yai.

Emuomba* nàbêresise i'yôno: Mundaa mwásimana.»

Akaba nenyu mùngabere bandu bo'muno butala, besha'mo bàngabasimire nga banyakabo. Si mwabo, nábalondwere mira ne'kubakula mwa kachi-kachi kabo. Rero echera chi chénde chátuma bábahomba, bushi mùtachitula nabo.