Popular Bible Verses from Luc 21

Паҳн кунед

Nômbiatimba na vio. Vovoni na Nzambé ndéô yetso gédundé. Vane nôngaba na ngudi yebusuga metso mane mangabuéani. Na nôngatubéda anyene va mbene ame, Muana Amôma mbe: We tôanguaa.

Bakani n’ekena. Nômbiasinga mitéma mianyô miyungédu na madangi na miambô. Nômbiasinga mitéma mianyô mikatanganédu na mikebanganô miamane matsengene. Kabaga nyoo ône ôvôni ôdenga anye tsina na tsina anye gébé n’etasa mbe, mavooe te deo noo.

Sipani gô mabégô mami. Nôngadiia monyoe wanyô te gô mangô.

Menyani mbe memuene nanganôétsa éodo évôni na mavovia mangudi. Vane buéyé n’adudeoe wanyô asangamenya ékitsanganéa anye na asangoongôa ésiia.

Obee na tsinane éngoota na éngadimbana. Ivô mavovia mami te môgunanza.

G’ôba gôngatsiga émbégéa gô kômbéne, na gô ngondene, na gô minangamie. Asi tsenge yetso yava tsina angeena gomo na angadigaa na mikebanganô go nzongodi éamubue na éamiyôkiyôkimie miedi. Vangatanganéda oma mane mangabuéani, ayekani angawa te gô gomoe. Ane atôma na ngudi va gatse atsinane na diôbaye, angatatéa. Vane nôngeena me Muana Amôma natsutsuga va gatse adibôngé yag’ôba. Nangaviga na ngudi yetso n’obébayi ôtubédu ôndômbee okumakee wami.

Muetso angadudu anye te gôndé anye omami.

Tsinane éngatatéa pepe gô tungune ésitatéké yangô na mbeego. Gôngaba nzaa na évunga éamabeea mavôni. Gôngeenanô étsutsuku éagomo ésienanô na mbeego. Gôngeenanô dôta émbégéa g’ôba.

Nôngookô tsangô yamabadi magenyuni. Nôngookô na tsangô yane atômuni akékôéa na apatsa ane atômani. Nômbieena gomo. Mabadime mane mangagenyu. Ivô tsengene ésangakôdéa vane. Jésus amoomba ébeenda mbe: Eongo évo éngagenya na évo éongo. Tsenge épo éngagenya na épo tsenge.

G’ôba gôngatsiga émbégéa gô kômbéne, na gô ngondene, na gô minangamie. Asi tsenge yetso yava tsina angeena gomo na angadigaa na mikebanganô go nzongodi éamubue na éamiyôkiyôkimie miedi. Vangatanganéda oma mane mangabuéani, ayekani angawa te gô gomoe. Ane atôma na ngudi va gatse atsinane na diôbaye, angatatéa.

Jésus amoomba ébeenda mbe: Eongo évo éngagenya na évo éongo. Tsenge épo éngagenya na épo tsenge.

Vane Jésus amakeneda ahngô mbe: Nôwema kabaga nôbômédu. Oma ayekani angaviga atsua inami gô diboe yaô mbe: Me te Christ, ône amasevôu na Nzambé. Na angavovo mbe: Ndéône ébuéyi. Tambô. Nômbiaanda ahngô.