Popular Bible Verses from Luc 17

Паҳн кунед

Vane Jésus amavovo na môsi Samarie mbe: Timôgaka, kiaka. Gôsitsuma éwe ngudi yami paga géobogeo géka te gôndé éwe.

Buéyé mbe agôéndi nyovo mabégô tsambué mabévani, n’angô kuka yetso aviga avidukewe mbe: Kokoo yewe. Buedi gôémôsingéa kokoo.

Vameena ahngô mbe ahdôngi, môvo va gatse aô nzima, amanika na gôndé Jésus akuméda Nzambé n’ogi amôndônga. Amagudama va makôdô maJésus, gédimô sedi na gô tsina gôémôneegeda. Mômôgôô nône te môsi Samarie.

Wemani ébégôe éne. Okô muana aTétee n’oo môsi mbumu éaNzambé eendi ébégô ébévani, vovo n’edi anyene abaé. Okô akoi môtémedi singéa angô kokoo.

Jésus ameevôa angô mbe: ?Tambô anye nômadôngéduni nôsibaka nzima-a? ?Akoo atenanayi angôani?

Vane Kumu Jésus amanigôa ahngô mbe: Okô nôkini paga nôétsa Nzambé mitémamie pengo vipesu, évundee ga môbiie ôgeôge ôéndô mbe moutarde, nôngeena mane mangayanzanye. Nôngavovo na géététe mbe: Yuuéga vane kiaka ôkekuyaméa gô mubu. Na géététége génganôôkéô.

One anyôngéô ékenea monyoe wedi amuene, angaôdimbanéda. Ivô ône adimbanéda monyoe wedi, angaôdenga.

Jésus amanigôa aneengi edi mbe: Gô tsina nedué gôndéké mabômia mayekani na masakôdéakani mabôméda môma gô mane masanyôngéô Nzambé. Ivô ti gô maguga mandé n’one abôméda môkedi. Buedi mbe nômôditéga étaé évôni va môngônga na nômôgunya gô mubu kabaga abôméda muene.

Gameenda oma gô ndéô éaNoé te gangeendahngô gô ndéô éngaviga me Muana Amôma. Asi tsenge éaNoé, saô gémba gémabaka te aakagane, na nyuakagane, na baanane, na baaôgône. Ameendaka nane ngu na nyee ômeengéa Noé gô mbôngône. Géningôge gévôni gémaviga na gémagudéda ahngô muetso.