Popular Bible Verses from MATEO 5

Паҳн кунед

Mix cu t'a'abal jun p'éel sáasil u ti'al ca dza'abac yáanal jun p'éel muut; ba'ale' cu dza'abal ca'anal u ti'al ca u sáasilcunt tuláacal le máaxo'ob yano'ob ich najo'. Bey xan te'ex il a wile'ex ca juulnac a sáasile'ex tu táan le máaco'obo', tumen beyo', le quéen u yilo'ob le utz ca beetique'exo', yaan u qui'iquit'antico'ob a Taataex yaan te j ca'ano'.

Te'exe' u sáasilil yóokolcaab. Jun p'éel nojoch caaj yaan yóokol jun p'éel pu'uque' ma' tu páajtal u ta'aca'al.

Qui' u yóolo'ob le máaxo'ob sac u pucsi'ikalo'obo', tumen leti'obe' bíin u yilo'ob Jajal Dios.

Qui' u yóolo'ob le máaxo'ob wi'ijo'ob yéetel ukajo'ob u ti'al u beetico'ob ba'ax utz tu t'aan Jajal Dios, tumen leti' cu bin áantico'ob u ti'al u beeto'ob beyo'.

Ba'ale' tene' quin wa'alic ti' te'ex: yaabilt a aj p'eeco'ob, payalchi'inene'ex tu yo'olal le máaxo'ob poch'ique'exo' yéetel cu ch'aapachtique'exo'.

Qui' u yóolo'ob le máaxo'ob cu kajóoltico'ob u yóotzilil u pixano'obo', tumen u ti'alo'ob u ajawil ca'an.

Qui' u yóolo'ob le máaxo'ob cu meyajo'ob u ti'al ca yanac jéedzel óolal ichil máaco'ob, tumen bíin a'ala'aque', leti'obe' u paalalo'ob Jajal Dios.

Qui' u yóolo'ob le máaxo'ob okom u yóolo'obo', tumen Jajal Dios bíin qui'imacqunsa'ac u yóolo'ob.

Qui' u yóolo'ob le máaxo'ob cu mukyajtico'ob ch'a'apachtajil tu yo'olal u beetico'ob ba'ax utz tu t'aan Jajal Dios, tumen u ti'alo'ob u ajawil ca'an.

Qui' u yóolo'ob le máaxo'ob cu ch'a'ico'ob óotzilil ti' u láak máaco'obo', tumen bíin ch'a'abac óotzilil ti'ob tumen Jajal Dios.

Qui' a wóole'ex le quéen po'och'oque'ex tumen máaco'ob, quéen beeta'ac ti' te'ex ba'alo'ob kaastac, bey xan quéen líikesa'ac ta wóokole'ex tuláacal tuuso'ob tin wo'olal. Qui'ichajac a wóole'ex, tumen bíin a kame'ex jun p'éel nojoch bo'olal te j ca'ano', tumen bey xan ch'a'apachta'abico'ob le aj bóobato'ob j taalo'ob táanil ti' te'exo'.

Qui' u yóolo'ob le máaxo'ob cabal u yóol u pucsi'ikalo'obo', tumen bíin u ti'alto'ob le lu'uma'.

Te'exe' u ta'abile'ex yóokolcaab. Ba'ale' wa cu sa'atal u ch'óoch'il le ta'abo', ¿bix cu bin ca'a ch'óoch'quinaj? Mix ba'al u biilal ba'ale' chéen u ti'al j pulbil yéetel u ti'al j pepe'echa'atbil tumen máaco'ob.

Te'ex túune' chuca'anchajac a wutzile'ex je'el bix a Taataex yaan te j ca'ano' chuca'an u yutzil.

Chéen u najmal a wa'alique'ex, bey, wa ma', tumen tuláacal ba'al cu máan tíip'il ti' lela', ti' kaasiba'al u taal.

Te'exe' a wu'uymaje'ex j a'ala'ab ti' le úuchen máaco'obo': Ich tu yo'olal Ich yéetel coj tu yo'olal coj. Ba'ale' tene' quin wa'alic ti' te'ex: Ma' a sutique'ex le loob cu beetic jun túul kaakas máac, ba'ale' wa cu lajiquech ta x no'oj p'u'uque', suut le u láak a p'u'uc ti'o'.

Le beetique' wa a x no'oj ich cu beetic a lúubul ti' kebane' jóokes a pule, tumen asab ma'alob ca sa'atac jun xet' a wíinclile' ma' ca pu'uluc metnal tuláacal a wíinclil. Bey xan wa a x no'oj kab cu beetic a lúubul ti' kebane', xot' a pule, tumen asab ma'alob ca sa'atac jun xéet' a wíinclile' ma' ca pu'uluc metnal tuláacal a wíinclil.