Popular Bible Verses from لُوقا 17

Паҳн кунед

وَل اُونکُوں آکھیا، ”اُٹھی تے چلیا وَنج، تیڈے اِیمان تیکُوں چنگا کیتے۔“

تے جے او ہِک ڈینہہ ءچ سَت پھیری تیڈے خلاف گُناہ کرے تے ستّے پھیری تیڈے کولھ آ تے آکھے جو ’میکُوں معاف کر‘ تاں تُوں اُونکُوں معاف کر۔“

وَل اُنہاں ءچوں ہِک ایہ ڈیکھ تے جو اُونکُوں شِفا مِل گئی ہے، اُچی اواز ءچ خُدا دی حمد کریندا ہویا وَل آیا، تے یسُوع دے پیراں اُتے مُنہ دے بھار ڈھے تے اُوندا شُکر ادا کرݨ لگا۔ تے او سامری ہا۔

خبردار راہو! جے تیڈا بِھرا گُناہ کرے تاں اُونکُوں ملامت کر۔ جے او توبہ کرے تاں اُونکُوں معاف کر۔

یسُوع پُچھیا، ”کیا ڈاہ دے ڈاہ پاک صاف نئیں تھئے؟ وَل او باقی نؤں کِتھاں ہِن؟

خُداوند آکھیا، ”جے تُہاڈا اِیمان رائی دے دانڑے دے برابر وی ہووے تاں تُساں اِیں تُوت دے درخت کُوں آکھ سگدے ہیوے جو جڑھ کنُوں پٹیج تے سمندر ءچ لگ وَنج تاں ایہ تُہاڈی گالھ منیسی۔

جیہڑا کوئی آپنڑی جان بچاوݨ دی کوشش کریسی او اُونکُوں ونجیسی، تے جیہڑا کوئی اُونکُوں ونجیسی او اُونکُوں زندہ رکھیسی۔

وَل یسُوع آپنڑے شاگرداں کُوں آکھیا، ”ایہ ناممکن ہے جو ازمائشاں نہ آوݨ، پر اُوں بندے اُتے افسوس جیندی وجہ کنُوں آوݨ۔ جیہڑا کوئی اِنہاں چھوٹیاں ءچوں کہیں کیتے اِیمان تُوں گُمراہ تھیوݨ دا سبب بنڑدے، اُوندے کیتے اِیہو چنگا ہے جو چکّی دا بھارا پُڑ اُوندی گِچی ءچ پا تے اُونکُوں سمندر ءچ سَٹ ڈِتا ونجے۔

جِینویں نُوح دے ڈینہاں ءچ تھیّا ہا، اُونویں ای اِبنِ آدم دے ڈینہاں ءچ وی تھیسی۔ اُوں ڈینہہ تئیں جڈاں نُوح کشتی ءچ داخل نہ تھیّا تے طوفان آ تے ساریاں کُوں ہلاک نہ کر ڈِتا، لوک کھاندے پِیندے ہَن تے شادی ویاہ کریندے ہَن۔