Popular Bible Verses from တမန်တော် 4

Паҳн кунед

ကယ်တင်ခြင်း​သည် အခြား​မည်သူ​၌မျှ​မရှိ။ အဘယ်ကြောင့်ဆိုသော် ကောင်းကင်​အောက်​တွင် ထို​အရှင်​၏​အမည်​နာမ​မှတစ်ပါး ကျွန်ုပ်တို့​ကို ကယ်တင်နိုင်သော​အခြား​အမည်​နာမ မရှိပါ” ဟု ဖြေဆိုလေ၏။

ထိုသို့ ဆုတောင်း​ပြီးနောက် စုရုံးနေသော​နေရာ​သည် တုန်ခါ​လျက် ထို​သူ​အားလုံးတို့​သည် သန့်ရှင်းသော​ဝိညာဉ်တော်​နှင့် ပြည့်ဝ​သဖြင့် ဘုရားသခင်​၏​နှုတ်ကပတ်​တရားတော်​ကို ရဲရင့်​စွာ ဟောပြောကြ၏။

အို ထာဝရဘုရား… ယခု​တွင် သူတို့​၏​ခြိမ်းခြောက်ခြင်း​ကို မှတ်တော်မူပါ။ ကိုယ်တော်​၏​နှုတ်ကပတ်တော်​ကို ရဲစွမ်းသတ္တိ​နှင့် ဟောပြော​ရန် ကိုယ်တော်​၏​အစေအပါးတို့​အား အခွင့်​ပေးတော်မူပါ။

ကျမ်းစာ​၌ ‘တိုက်ဆောက်သော​သင်တို့ ပယ်ထားသည့်​ကျောက်​သည် ထောင့်ချုပ်ကျောက်​ဖြစ်လာ၏’ ဟု ရည်ညွှန်းခံရသူ​မှာ ဤ​ယေရှု​ပင်​ဖြစ်၏။

ပေတရု​နှင့် ယောဟန်​တို့​မှာ ပညာတတ်​မဟုတ်၊ သာမန်လူ​သာ​ဖြစ်​လျက်နှင့် ထိုသို့​ရဲစွမ်းသတ္တိ​ရှိကြသည်​ကို မြင်​သောအခါ ထို​သူတို့​သည် အံ့သြကြ၏။ ထို့ပြင် ယေရှု​၏​အပေါင်းအဖော်များ​ဖြစ်ကြောင်း​ကိုလည်း မှတ်မိကြ၏။

ယခု​အခါ​၌ ယုံကြည်သော​သူ​ရှိသမျှတို့​သည် တစ်စိတ်တစ်ဝမ်းတည်း​ရှိကြ​သဖြင့် မည်သူ​မျှ မိမိ​ဥစ္စာပစ္စည်းများ​ကို မိမိ​ပိုင်သည်​ဟု မဆိုဘဲ ရှိသမျှ​ဥစ္စာတို့​ကို မျှဝေ​အသုံးပြုကြ၏။