Popular Bible Verses from Š. Matéu 5

Паҳн кунед

Né δézenjen χiljnarin, e e vẽ̂n perpoše menzes, po mbi pizulin, e bẽn drit gjiθve te špia. Keštú lampariste drita júaje perpara njérezvet: se te šoχen te mirat bẽnat túaje, e te χjezónjen Taten têje, tše ešt nder kjíelet.

Ju jini drita e jétese. Nẽng mund fšeχet nje χôr e vẽn mbi nje malje.

Ljumte te pastrúarit zémrie: se atá kân te šoχen Tẽnzôn.

Ljumt’ atá tše kân û, e tše kân et ljíkjie: se atá kân te jên te ndẽndur.

Ú pra ju θom: Dúani mîr armíkjete tâje, bekoni atá, tše ju malkonjen, bẽni mîr atire, tše se mund ju šoχen: e parkaljéseni per atá, tše ju bẽnjen ljik e ju perzên

Ljumte te némurit te špirti: se e tíria ešt rregjería e kjíelvet.

Ljumt’ atá tše vẽ̂n pakjen: se atá kan θerriten bilje Tinzoti.

Ljumte te bútete: se atá kân te trašigonjen jeten.

Ljumt’ atá tše jân nkuδirtur per te dréiten: se e tíria ešt rregjería e kjíelvet.

Ljumte ljipisiáret: se atá kan jên te ljipisur.

Ljumte jini kûr te ju šanjen, e te ju perzên, e te ju θôn kunder gjiθ te ljigat, tue θẽn te rreme per pajet time: Χarepsi, e χezoni, pse rroga júaje ešt e maδe nder kjíel: se keštú perzûn profetrat, tše kjên pâr juše.

Ljumt’ atá tše kjânjen: se atá kân te kên pušîm.

Ju jini kripa δéut. E nde kripa u‐škatarrofte, me ke kat dertonet? Ajó se veljén per mê gjê, mosse te štiχet jašt, e te jêt e škeljur ka njérezit.

Andái kin jini ju gjiθ te mîr, si gjiθ i mîr ešt eδé Tata îje i kjíeles.

Kjofte prana te foljet tâje, eχ, eχ: jo, jo: mê šûm se kto fiâlje, vién ka te ljikte.

Gjégjetit se kje θẽn: Sî per sî, δẽmb per δẽmb. Ú pra ju θom, te mos rrini te zên me te ljigun: po kušdó te piáste nje mbalambérse mbi fakjen e diaθte tẽnde, priri atîje eδé jatren.

Nde prana siu it i diáθt te jep skandal, ndzire, e štire ka ti: pse bẽn mê per tîj te biret nje piés e kurmit tẽnte, se gjiθ kurmi it te štiχet nde pist. E nde dora jote e diáθte te jep skandal, prite, e štire ka ti: pse bẽn mê per tîj te biret nje piés e kurmit tẽnte, se gjiθ kurmi it te štiχet nde pist.