Popular Bible Verses from Chenesis 6

Паҳн кунед

Mihmʋt Chihowah yʋt hatak a̱ ikbit yakni paknaka ya̱ o̱ hilechi tuk ʋt nukha̱klot chu̱kʋsh hotopa tok.

Atuk o̱ hatak ʋt yakni paknaka ya̱ a haksi kʋt atampa fehna mʋt, chu̱kʋsh im anukfila nana isht ahni puta kʋt peh ik achukmo banot nitak bilia ho̱ Chitokaka yʋt pi̱hi̱sa tok.

Yohmi kia Noah hʋt Chihowah itikba ya̱ isht i̱ kana ya̱ ai ahayuchi tok.

Ilʋppak osh Noah ya̱ anoli holisso hoke: Noah hʋt hatak aiʋlhpiesa, micha ai itishali yʋmma aia̱hli hosh ahanta tok; micha Noah hʋt Chitokaka ya̱ iba no̱ho̱wa tok.

Micha Chihowah yʋt, Hatak a̱ ikbi le tuk ʋt yakni paknaka ya̱ a mosholechit, hatak, micha nampoa, micha nana aka balʋlli, micha hushi ʋba itʋnowa aiena ka̱ yʋmihchi lashke; ikbi le tuk ʋt sa nukha̱klo hokʋt, achi tok.

Atuk o̱ yakohmi tok, hatak ʋt yakni paknaka ya̱ ai apaknʋt ishtia cha, ushetik puta kʋt im asha ma, Chitokaka ushi ʋhleha hʋt hatak ushetik ʋhleha hʋt aiokli ho̱ pisa tok: mihmʋt aiahni tuk aiyukali kʋt ishi cha, itauwaya tok. Mihma Chihowah yʋt, (Hatak ʋt nanashʋchit ahanta ka,) Ʋmi Shilombish ʋt hatak takla ahanta na, bilia he keyu hoke, hatak ʋt nipi akinli hoka: yohmi kia i̱ nitak ʋt afʋmmi tahlepa achʋfa cha, pokoli tuklashke, achi tok. Nitak yʋmma foka ka̱ hatak hofaloha yʋt yakni paknaka ya̱ aiasha tok; atuk o̱ i̱ himmak ak kia Chitokaka ushi ʋhleha hʋt hatak ushetik ʋhleha ha̱ itauwayʋt ma̱ya na, ʋlla ya̱ okla im eshi tok o̱, yʋmmak ash osh hatak hlampko chilita cha cha̱shpo ka̱ annoho̱wa fehna tok.

Ilʋppak o̱ Noah hʋt yʋmihchi tok: Chitokaka yʋt im apesa tuk mak o̱ moma yʋmihchi tok.

Mihmʋt Chitokaka yʋt Noah ya̱ Nana nipi moyuma kʋt sa tikba ya̱ ant aiʋhli hoke; Ilʋppa pulla hatuk mak o̱ yakni paknaka ya̱ nan ik ʋlhpeso bano kak osh alotowa hoka: yohmi hoka yakeh! yʋmmak atukma mosholichit yakni ya̱ ai okpʋne la he akinli hoke.

Kofi iti yo̱ chi̱ peni chito ish ikbashke: micha peni chito anu̱kaka ya̱ abohushi puta ish ai ikbashke; micha anu̱kaka, micha kocha aiena ka̱ tiak nia isht ish apoluslashke.

Atuk o̱ Chitokaka yʋt yakni ya̱ et pisa tok, mihma yakeh! okpulo tok; nipi moma kʋt yakni paknaka ya̱ ai il aiokpʋnit tahli hatuk oka.

Mikmʋt nan okcha̱ya nipi puta moma tuklo bieka ho̱ pehlinchit peni chito ya̱ ish chukowa na, chibai okcha̱yashke; nakni, micha tek ashke.