Popular Bible Verses from Mateu 6

Паҳн кунед

Asi pshakanyi kutanga Umambo hwake no kururama kwake, no izvi zvese zvinozoengejehwa kwomuri.

Ndizvo, musazodembera zuva ramangwana, ngokuti, zuva ramangwana unozojidembera. Kutambujika kwezuva kunokwana zuvero.

Ngo ndava yoichi ndinoti kwomuri, musadembatemba ngo maponero enyu kuti munozohenyi, nokuti munozomwenyi; nokuti ngo ndava yo muviri wenyu kuti munozosimirenyi. Kurarama akupindi kuha here? No muviri aupindi kusimira here?

Asi iwewe, apo wookumbira, nghwina mu nyumba yako yo pakati, naapo wakonya musuvo, kumbirayi kuna Baba wako vari mukufishika, na Baba wako vanovona mukufishika vanozokupavo.

Ndizvo kumbiranyi ngo njira iyi: “Baba wedu vari mu gore, ngarireremejwe zina renyu.” Umambo hwenyu ngahuviye. Kuda kwenyu ngakuitwe mu nyika kudari ngo mugore.

Tipenyi ngeiri zuva kuha kwedu kunotamika nyamasi.

Tiregererenyi ndava jedu, kudari itisu takaregerera avo vane ndava kwetiri.

Musatinghwinisa mukuejwa, asi mutinunure kuno uwo wakashata.

Ngokuti kudari imwimwi mwechiregerera vandhu zvishaishi zvavo, Baba wenyu vari mu gore vanozomuregereravo imwimwi.

Ringiranyi shiri jo mu gore, ajikushi, ajikotori, nokuti kuunganija muzvitumba; kani Baba wenyu vari mu gore vanojipa zvokuha. Imwimwi amupindi kukura kuna ijo here?

Musajiunganijira upfumi mu nyika, apo honye nokuti chipfundo zvinoshaishira, naapo mbavha jinopwanya jibe. Asi jiunganijirenyi upfumi mu gore, apo honye nokuti furuju zvisikashaishiri, naapo mbavha jisikapwanyi jibe. Ngokuti apo pano upfumi hwenyu, ndipozve panozova no mwoyo yenyu.

Akuna mundhu ungakona kushandira majimambo maviri; ngokuti unozonyenya umwe, ade umweni, ngokuti unozoshoora umwe abatirire kwo umweni. Amungashandiri Mwari no upfumi.

Ndizvo, kudari Mwari echisimija kudaro maushwa omushango, awo aripo nyamasi, mangwana anokandihwa muchoto, aazopindi here kukuru kumusimija, imwimwi muno kutenda kudodoko.

Asi apo iwewe woopa zvipo zvako, usatendera kuti nyara yako yo kuboshwe izive chinoitwa ngo nyara yako yo kumuho, kuti zvipo zvako zvipuwe ngo kufishika, na Baba wako vanovona mukufishika vanozokupavo.”

“Vonanyi kuti musayita kururama kwenyu pamberi po vandhu, kuti vamuvone; kuti mwechizodaro, amuzowani musharo kuna Baba wenyu vari mu gore.

Zve mwoera kuha, musayita chisununu muhope jenyu kudari ngo vajiitisi; ngokuti vanoyita chisununu hope javo kuti vavoneke ngo vandhu kuti vanoera kuha. Zvirokwazvo, ndinoti kwomuri, vakatoashira musharo wavo. Asi iwewe, apo woera kuha, zoja musoro wako, ushambe muhope mwako; kuti usazovoneka ngo vandhu kuti uri kuera kuha, asi ndi Baba wako vari pakafishika; na Baba wako avo vanovona mukufishika, vanozokupavo.