Popular Bible Verses from متّی 10

Паҳн кунед

یِسُوع آکھیا، ”ݙیکھو مَیں تُہاکُوں جیرھے بِھیݙیں وانگوں ہِوے نَہریں اِچ بھیڄینداں، اِیں کیتے نانگیں وانگوں ٻَہُوں ہُشیار اَتے کبوتر وانگوں بھولے بݨو۔

جیرھا کُوئی اپݨی جان کُوں بچاوَݨ دی کوشش کریسی او اُونکُوں چَٹ کریسی پَر جیرھا میݙے کیتے اپݨی جان چَٹ کریسی اُونکُوں ہمیشاں دی حیاتی مِلسی۔“

اَتے لوکیں کنُوں نہ ݙَراہے جیرھے تُہاکُوں جان کنُوں تاں مار سڳدِن پَر رُوح کُوں نَئیِں بلکہ خُدا کنُوں ݙَرو جیرھا رُوح اَتے جان ݙُوہیں کُوں مار کرائیں دوزخ اِچ سَٹ سڳدے۔

اَتے تُساں اپݨے ݙُکھیں دی سُولی چا کرائیں میݙے پِچھُوں آوَݨ کنُوں اِنکاری تھی وَنڄو تاں تُساں میݙے شاگِرد ہووَن دے لائق کَینی۔

”جیرھا وی لوکیں دے سامݨے ایہ آکھے جو او میݙے اُتے اِیمان رکھیندے تاں مَیں وی اپݨے اَسمانی باپ دے سامݨے اُونکُوں اپݨا آکھساں۔ پَر جیرھا وی لوکیں دے سامݨے میݙا اِنکار کریسی مَیں وی اپݨے اَسمانی باپ دے سامݨے اُوندا اِنکار کریساں۔“

بیماریں کُوں شِفا ݙیو، مُردئیں کُوں زندہ کرو، کوڑھیں کُوں پاک صاف کرو اَتے بَد‌رُوحاں کڈھو، تُہاکُوں مُفت مِلئے تُساں وی مُفت ݙیو۔

اِیں کیتے تُساں ترسلّا رکھو کیوں جو تُہاݙی قدر تاں ٻَہُوں سارئیں چِڑیئیں کنُوں وی وَدھ ہے۔“

”تُساں ایہ نہ سمجھو جو مَیں زمین تے امن کراوَݨ آیاں، امن نَئیِں بلکہ تلوار چلواوَݨ آیاں۔