Popular Bible Verses from Matiye 24

Паҳн кунед

Ɛ̀ hɔ̀ bɔ̀koohɔ́ ɛ́ ɓén wookɛ hĩ́ní tí lé dímíɲɛ́ fúu ɛ́ ɓɛ́ nìnbirìe bìkuì ńwanminu ɛ́ ɓén yòó wɛ. Kɛ́ álɛ ɛ́ fɛ́sí dɛ̃̀ sãa fúu ɛ́ van víeniɛ, á ɓén fuen.

Ɛ́ lépe Dɔfĩn bɛ́záanú Bentĩnu sɔ lɛ bòo ɛ́ ɓén bie le dímíɲɛ́ míkùi hũn ɛ́ dàá zɛ̃́ní kɛ́ hɔ́ dàa míkùi nìɛ ɛ́ ɲɛ́ hɔ́. Ɛ́ pehɔ̀ máahṹ, ɛ̀ lè dímíɲɛ́ ɛ́ den wo ɛ́ vé.»

Mí wóo ɓén ɲí hɔ́ hĩɛ̀ lɛ ɛ́ tɛ́ lúwi miɛ ǹ bòo, ɛ̀ mì lò wóo ɓén ɲí hɔ́ hĩɛ̀ lɛ ɛ́ van tɛ́ viì ni bòo; kɛ́ mí bí nɛ mi hũn ɛ̀ yen, iè hɔ̀ lɛ ɛ́ hɔ́pe sí sãawi ɛ̀ hɔ̀ wé, kɛ́ hɔ́ ɲɛùn yí lé dímíɲɛ́ vénlɔ́ wɛ̀.

Ɛ́ dàa dɔ̀ nìɛ ɛ́ wóo ɓén hĩ́ní ɛ́ vɛ́ tɛ́ hɔ́ hĩɛ̀ àá dàa dɔ̀ nìɛ, ɛ̀ bɛ́záanú dɔ̀ nìɛ ɛ́ wóo ɓén hĩ́ní ɛ́ vɛ́ tɛ́ hɔ́ hĩɛ̀ àá bɛ́záanú dɔ̀ nìɛ. Ɛ̀ hɔ̀ hĩni ɛ́ wóo ɓén lé hɔ́ vuò dɔ̀ hũn, ɛ̀ lè sṹsùnù ɛ́ lò wóo ɓén zɛ̀kɛ hɔ vuò dɔ̀ hũn. Kɛ́ hɔ́pe sí míkùi ɛ́ den ɓén wé lé sɛ̃́ɲíi fìi ɓánlén, kɛ̀a bòo lɛ á hṹnu lɛ ɛ́ mii te dàa sɛ̃́hṹ ɛ́ wóò sɛ̃̀nɛ́hã̀á ɲí bòo sí.

Hɔ̀ hóohũn àá lé sṹsùnù ɛ́ ɓén khíi, kɛ́ niǹ biehĩ́ ɛ́ pe yá khíi yá mi wɛ̀.»

Iè hɔ̀ lɛ ɛ́ nìnbirìe cɛ̀rìɛɛ ɛ́ wóo ɓén hĩ́ní ɛ́ ɓen niǹ yèrè lɔ̀n ɛ̀ hɔ́rɔ wóo ɓén bie nɛ mípe ɛ́ temu iè pe Kirisa. Ɛ́ ɓɛ́ ɓén kɛ̃̀níkɛ nìnbirìe cɛ̀rìɛɛ ɛ́ yínin.

Ɛ́ ɓɛ́ nìnbirìe ɛ́ wóo ɓén ɓaakɛ miɛ ɛ́ vɛ́ lɛ́ ɛ́ ɓɛ́ biení lɔ̀n ɛ̀ ɓɛ̀ ɛ́ ɓé miɛ, ɛ̀ ɓɛ̀ nìnbirìe ɓɛ́kùi ɛ́ ɓén hán miɛ ǹpe niǹ bòo hũn. Ɛ́ pehɔ̀ yìi hũn, ɛ̀ nìnbí-kuì ɛ́ ɓén fùansí hɔ́ ńdɛsĩ̀nlɔ́ ǹ; ɓɛ̀ wóo ɓén bɛ́ ɓán máahɛ̃, ɛ̀ ɓɛ̀ wóo ɓén hán ɓán. Ɛ̀ ɓɛ̀ ɓúo Dɔfĩn bɔ̀háaníriè bìkuì dɔ̀ ɛ́ wóo ɓén síɛ hĩ́ní ɛ́ khɛ̃̀níkɛ ɓɛ nìnbí-kuì.

Ɛ́ Yiezu zɔn bie lɛ́ ɓà ǹ ɛ́ nɛ làa: «Mì pɛ mite bòo sãàní nɛ nìnbírɔ dɔ̀ ɛ̀ bí khɛ̃̀ní miɛ ɛ̀ yínin wɛ̀.

Ɛ́ sí iè hɔ̀pe ɛ́ mípe ɓiɛ̀ sɛ́sɛ́ míte ɛ̀ dĩ̀ní iè hɔ̀ lɛ á nìnbírɔ Zuú ɛ́ ɓén ɓen lè yìi lɛ ɛ́ mí yá lieníkɛ nɛ a ɓén ɓen hũn wɛ̀.»

Ɛ́ mí piɛní mí yìe, iè hɔ̀ lɛ ɛ́ mí yí dũ le sí lɛ ɛ́ mí Ɲunsɔ ɛ́ vàá ɓen hũn wɛ̀.

«Kɛ́ hɔ́ ɓén kɛ́ lé sítĩnlɔ́ àá lè yìi lɛ ɛ́ hɔ́pe bòo sɔ ɛ́ ɓén wé hũn, ɛ̀ nìnbírɔ dɔ̀ lɛ ɛ́ dũ hɔ ɛ́ mí wɛ̀. Ɓɛ̀ hóohũn mɛlɛkɛɓɛ ɛ́ yí dũ hɔ, hɛ̀rí à Zuú kùusɔ ɛ́ yí dũ hɔ, kɛ́ á Yàá mí dòonún ɛ́ ɓen bòo mí.

Iè hɔ̀ lɛ ɛ́ pehɔ̀ yìi hũn, ɛ̀ ɓɛ̀ nìnbirìe dɔ̀ ɛ́ wóo ɓén síɛ hĩ́ní ɛ́ bie nɛ ɓɛ́pe ɛ́ temu iè ɓɛ̀pe Kirisaɓɛ àá ɓɛ́ Dɔfĩn bɔ̀háaníriè kɛ́ ɓɛ́ lò yí ɓɛ́pe wɛ̀. Ɓɛ̀ wóo ɓén wé yéréké bòo àá bɔ̀bɛ̃hɛ̃ ɛ̀ dàá khɛ̃̀níkɛ ɓɛ nìnbiriè, kɛ́ hɔ́ yɛ̀rɛ́ hṹn dɛ̀ ɛ́ wé, ɛ̀ hɛ̀rí ɓɛ̀pe lɛ ɛ́ Dɔfĩn ɛ́ munɛ ɛ́ ɓɛ́ pɛ́ khɛ̃̀níkɛ ɛ̀ yí nin.

Hɔ̀ bòo lɛ hàarí wɔ́ á Nowe pɛ̃̀hṹ hũn ɓà ńmàa ɛ́ ɓiɛ̀ ɓén wí-e nìnbírɔ Zuú khũ̀á ɓenlɔ́ yìi hũn. Ie hɔ̀ lɛ ɛ́ pɛ̃̀hṹ lɛ ɛ́ hɔ́ hóo ɛ́ dàa hàarí ɲɛùn yí ɓen tè ɛ̀ yáakɛ le dímíɲɛ́, ɛ̀ ɓɛ̀ nìnbirìe ɛ́ hàarí dí kɛ́ ɓɛ́ ɛ́ ɲu, ɛ́ yɛ ɓá ń kɛ́ ɓɛ́ ɛ́ ɓɛ́ nìɛ ɛ̀ yiɛní, fúu ɛ́ van dɛ̃un lè sítĩnlɔ́ lɛ á Nowe ɛ́ dàa yòó zɔn lè ɲumu wiè dɛ̀bɛhɔ́. Ɓɛ̀ háarí ɛ́ yá bòo dɔ̀ bòo ɛ̀ lieníkɛ fúu ɛ́ hɔ́ ɲun-bɛhɔ́ ɛ́ ɓɛrɛ ɛ́ fɔ́ ɓɛ́ ɓɛ́kùi. Ɛ́ sí iè pe ɛ́ hɔ́ ɓiɛ̀ ɓén wé kɛ̀amu à nìnbírɔ Zuú khũ̀á ɓenlɔ́ yìi hũn.