Popular Bible Verses from Matiye 13

Паҳн кунед

Ɛ̀ ɓɛ̀dɔ̀ ɛ́ lɔ́ɓán àá hɔ́ tĩ́ní lɛ sãa lɛ ɛ́ hɔ́ biè dɔ̀ ɛ́ van síɛ hũn. Ɓàasiè ɛ́ iè ɓɛ̀lɛ ɛ́ wóò ɲí lé Dɔfĩn bienù, ɛ̀ ɓɛ̀ dũń pelè ɲún ɛ̀ ɓɛ̀ dàá hɛ hɔ biè. Ɓɛ̀dɔ̀ ɛ́ wóò hɛ biè khĩminù (100), ɛ̀ ɓɛ̀dɔ̀ ɛ̀ hɛ ɓaàtĩ (60), ɛ̀ ɓɛ̀dɔ̀ ɛ̀ hɛ ɓénlé àá pírú (30).»

Ɛ̀ ɓɛ̀dɔ̀ ɛ́ lɔ́ɓán àá hɔ́ ńɲinlɛ̀a viì lɛ ɛ́ hɔ́ biè dɔ̀ ɛ́ van síɛ hũn. Ɓàasiè ɛ́ iè ɓɛ̀lɛ ɛ́ wóò ɲí lé Dɔfĩn bienù, kɛ́ lépe dímíɲɛ́ sɔ lɛ hũn-yenkɛà bòo àá hɔ́ kankán yírɛ́ cànlɔ́ ɛ́ wóò muaní lé bienù sɔ, ɛ̀ lè yá dàń bòo dɔ̀ wé wɛ̀.

Ɓɛ̀ nìnbirìe lɛ ɛ́ ɲɛ́ Dɔfĩn bɛ́záanú bienù bòo kɛ́ ɓɛ́ yí dũń pehɔ̀ ɲún, ɛ́ dɛ̃̀ kɛ̀a le wṹn ɲunù lɛ ɛ́ hɔ́ bòo lɛ ɛ́ ɓɛ́ ɛ́ dé dɔ̀ ɛ́ van kùerɛ síɛ hũn. À Sitũanɛ ɛ̀ vɛ ɓen, ɛ̀ ɓen leń hɔ́lɛ ɛ́ dɔ́ peɓɛ̀ tĩɛ̀ hũn.

Ɛ̀ ɓɛ̀dɔ̀ ɛ́ lɔ́ɓán àá hɔ́ sɛ̀nlɛ̀a viì lɛ ɛ́ hɔ́ biè dɔ̀ ɛ́ van síɛ hũn. Ɓàasiè ɛ́ wóò ɲí lé Dɔfĩn bienù, ɛ̀ ɓɛ̀ tɛ̀ pelè bòo àá tĩwiɛ̀. Kɛ́ hɔ́ lɛ ɛ́ ɓɛ́ yáà fùansí lè ǹ ɛ̀ lè yí nɛhĩ́ peɓɛ̀ tĩɛ̀ hũn, ɛ́ ɓɛ́ yáà dàá lé ɛ̀ míi wɛ̀. Kɛ́ ɓɛ́ ɓen van yú sɛ̃́ɲíi, tàá kɛ́ ɓɛ́ ɛ́ peɓɛ̀ lɔ̀n ɛ̀ biení lé Dɔfĩn bienù bòo hũn, ɛ̀ fùa fùa, ɛ̀ ɓɛ̀ fùansí ɓɛ́ ńdɛsĩ̀nlɔ́ ǹ.

Ɛ́ Yiezu bĩniɛ zɔn bie ɛ́ nɛ làa: «Dɔfĩn bɛ́záanú ɛ́ lɔ́ɓán àá yírɛ́ dɔ̀ lɛ tànkɔ̀niɛ wi mún dɔ̀ hũn. Ɛ́ nìnbírɔ dɔ̀ ɛ́ mɔn hɔ̀, á bĩniɛ tànkɔ̀niɛ hɔ̀; á hɛ̀ wo wɛ míte, à van yìɛniɛ mí bòo míkùi à ɓɛrɛ yɛ̀ lè mún sɔ.

Ɛ̀ hɔ̀dɔ̀ ɛ́ van síɛ hɔ̀ tĩ́ní lɛ sãa, hũn ɛ́ hɔ́ síɛ hĩ́nà ɛ́ yòó han hɔ̀ biè. Ɛ́ hɔ́dɔ̀ ɛ́ han biè khĩminù (100), ɛ̀ hɔdɔ̀ ɛ́ han ɓaàtĩ (60), ɛ̀ hɔ̀dɔ̀ iè ɓénlé àá píru (30).»

Mì fùansí hɔ̀ ǹ nɛ hɔ páaní tí yòó ɛ̀ vɛ dɛ̃ hɔ bòo mìírɔ́. Ɛ́ pehɔ̀ yìi hũn, ɛ́ ń den ɛ́ bie ɛ́ lɛ́ ɓɛ́ bɔ̀mìiriè ǹ nɛ ɓɛ wé hɔ́ ńɲíi-kùahɛ̃ ɛ̀ ɓɛ̀ sɛ̃̀nɛ́hã̀á diɛ ɛ̀ cɛ àá mí ɲúuhɛ̃ lɛ iè bòo lɛ ɛ́ mii cĩní, ɛ̀ ɓɛ̀ den khíi mìí hɔ̀ bɔ̀díe ɛ́ khui ɛ́ vɛ́ koo niǹ ńnɛnlé hũn.”»