Popular Bible Verses from Zãn 10

Паҳн кунед

À kɛ̃̀múi ɓen ɓɛrɛ, à wóò kɛ̃̀mɛ́kɛ kɛ̃̀mɛ́kɛrɔ́, à ɓé ɓénlɔ́, à yáakɛ yáakɛrɔ́. Ɛ̀ ǹpe ɓɛrɛ bòo lɛ ɛ́ wé ɛ̀ ɓɛ̀ nìnbirìe ɛ̀ yí lé mɛkɛ̃nì, ɛ̀ ɓɛ̀ yí lé mɛkɛ̃nì wɔ̀sɔ̀kɔ̀.»

Ɛ́ Yiezu ɛ́ bie sĩiniɛ nɛ làa: «Ǹpe iè ɔ̀ pisierɔ lɛ sãa, à pisierɔ lɛ sãa ɛ́ wóò tɛ̀ lɛ́ mí mɛkɛ̃nì mí pirìe bòo hũn.

Niǹ pirìe ɛ́ wóò ɲí niǹ tɛmu. Ɛ́ ń dũ ɓɛ, ɛ̀ ɓɛ̀ wóò bè niǹ máahṹ.

Nín lè mɛkɛ̃nì lɛ yá vé ɛ̀ lɛ́ ɓà ǹ, ɛ́ ɓɛ́ yá ɓén vĩ yá mi, ɛ̀ nìnbírɔ dɔ̀ lɛ dɛ̀ ɓɛ̀ ɛ́ vúa niǹ núnú hũn ɛ́ mínɛ wɛ̀.

Ǹpe temu iè le zĩínù ɲunù, kɛ́ nìnbírɔ zɔn àá mi, á ɛ́ fuen. Á wóo ɓén zɔ à khíi lé, à yí mí ɲunù díe.

Ń dũ niǹ pirìe ɛ̀ nin pirìe ɓiɛ̀ dũ mi

Kìe Yàá lɛ te ɓɛ lɛ́ mi ǹ ɛ́ ɓàń pɔ bòo míkùi, ɛ̀ nìnbírɔ dɔ̀ lɛ dɛ ɓɛ̀ ɛ́ vuá piè núnú hũn ɛ́ mínɛ wɛ̀. Ǹpe àá kìe Yàá iè dìcóoní.»

kɛ̀a bòo lɛ á Yàá dàa dũ mi, ɛ̀ ǹ lò ɓiɛ̀ dũ a Yàá. Ɛ́ nin lɛ́ niǹ mɛkɛ̃nì niǹ pirìe bòo hũn.

Nìnbírɔ dɔ̀ lɛ mii fé niǹ mɛkɛ̃nì ɛ́ mí, kɛ́ ńpe niǹte ǹ ɛ́ te le mii lɛ́. Ń dàa pànkɛ́ lɛ dɛ̀ lè ɛ́ lɛ́, ɛ̀ ǹ bĩniɛ dàa pànkɛ́ lɛ dɛ̀ lè ɛ́ bĩní khũ̀á yí. Sí iè pe bòo lɛ ɛ́ kìe Yàá ɛ́ bie lɛ́ mi ǹ nɛ n wé.»

Ɛ́ Yiezu bĩniɛ zɔn bie nɛ làa: «Niǹ bie hɔ lɛ́ miɛ ǹ àá bɔ̀bín nɛ npe iè ɛ́ temu ɓɛ̀ pirìe laàhɔ́ zĩínù ɲunù.

Kɛ́ á nìnbírɔ lɛ ɛ́ ɓɛ́ mɔ̀ ɛ́ wóò sàaní nɛ a sie ɓɛ pirìe ɛ́ yí te ɓɛ pirìe wɛ̀. Á yí pisierɔ àá bɔ̀bín wɛ̀. Kɛ́ á mɔn maa bɔnù kɛ́ á ɓen, à ze vĩ́ à kɛ́ ɓɛ́ piriè. À maa bɔnù ɛ̀ ɓen yíe kóo ɓɛ́ pirìe lɔ̀n ɛ̀ ɲɛ ɓɛ ɛ̀ saanikɛ.

Ɛ́ Yiezu ɛ́ zɔn bie nɛ làa: «Niǹ bie hɔ lɛ́ miɛ ǹ àá bɔ̀bín, àlɛ yáà zɔ ɓɛ pirìe laàhɔ́ à lé zĩínù ɲunù, kɛ́ á wóò khíi cáa vɛ zɔ àá vi-ɓuɛ, ɛ̀ ɓàasɔ iè kɛ̃̀múi àá lò iè bɔ̀vúakɛ.