Popular Bible Verses from LUKASI 19

Паҳн кунед

Mana uMwana wa Mwanadamu aja azunguhe na uhuyi wao wapotea.»

Wakorongoa: «Naɓarikishihe umufalume ajao ha lidzina la Mola! Amani mbinguni, na utukufu hari mwa maɓandza ya uju rahana uju!»

Sa ile Insa amuambia: «Leo uwokovu ungia muraɓani v̄anu, ha siɓaɓu amba unu wajau shilembwe ya Iɓrahima.

Ɓas, wakati Insa awaswili mukaɓala ule, adzua yamatso, amuambia: «Zakayi, haraka ushuke, mana ilazimu leo nike ɗagoni haho.» V̄ale kamwe ha uharaka Zakayi ashuku, amukariɓisa ha furaha.

Ɓadi Zakayi ahimi mbeli za Raɓi, amuambia: «Mutukufu, tsami nisurenga inusu ya mali zangu, niiv̄e zimasikini. Na mutru yotsi atsokao amba tsimudanganya, nitsomuregezea shitru yahe ata mara nne.»

Ɓaãdhwi ya Mafarisayo waka moni na idunia ile wamuambia Insa: «Fundi, lagulia watru waho.» Awadjiɓu: «Nisumuambiani, neka wao waɓuriha, yamawe ɗe yatsolatsao keme!»