Popular Bible Verses from Ioane 6

Паҳн кунед

Iesu erero mō ōpe, Makuri ve larietau eite ara meha; araro tai kotita lea karu eroa levi sae peava roi; aea araro sukaerereai vo meita lea karu kōvōre‐tolo levi lei peava roi.

Lei makuri leita siahu Ualare ve Arahoha voa, sarōva are eite kasirau. Ara ero laua sukavaita mea o ere Arahoha ita makuri ita reha

Sisia leita larietau vei tivi heafo levi leitia, a—, mea savori peita makuri ve lea larietau vei. Lea larietau Karu ve Atute sa ero miarai roi, ipi Oa Ualare arero rare toa siahu miarōpe eavia.

Ipi arave Oa sa haikaeaita haiiri meha: Atute la ofae eovi arero sukaerereaita karu foromai peita makuri ovai vei, aea ara erero soa sarapaita sare voa ta moravai roi.

Iesu tava o erero mō ōpe, Ualare sa haikaeaita tivi meha: are sa itapi meita mea vita la sukaerereai vei.

Oa sa araro miaraita lea karu foromai araro tai koti roi, aea araro tai kotita lea karu la ara maria voa levi sukavuteai roi.

Simona Petero tava o arero mō ōpe, Papuvita e, ela leiro tai terai roi? Peita makuri ve o a voa reha.

Kauri voa pea fauka makuri lei vovo meipeta larietau ara meha; mea larietau la larita lea karu makuri lei peava roi. O aeata meha, ara miaraita larietau arave sarōva, ara mearovaeka makuri leiti vei miarai roi.

Araro itapōpe lea Oa sa veveovaita karu haria sa araro tai foreraita ore; aea ara soa sarapaita sare voa erero moravi itoteai roi.

Ipi Ualare sa miaraita lea larietau kauri voa fauka aea makuri mearovaeka la miaraitore.

Makuri ve larietau ara meha.

Lea mea Iesu faloa korukoru la maravi, Ualare la maeati o a’ roroka lei, lōvoa aipepeiape karu la miarōpe. Are ekaka ta lōri lei miarōpe usoso ere sa haikaeōpe lōfeare. Ere ére popōpe lea mea, are satiriaraita karu la mō ōpe, Siseipeta larietau eloe‐eloe arisovaia, taheka aeata levi veverapai vei.

Soka ere maili oroisoria varo orakaraka varo fala toaiape lea mea, ere Iesu ma ve arori voa mora sa meiape la ofae eovi, are oroti ve haekao voa koti forerōpe. Ere tore foromai leipe; a—, are erero mo isa moipe, Mea arao; tore levi leitia.