Popular Bible Verses from ᤋᤥᤗᤡᤱᤛᤥᤔᤢ 17

Паҳн кунед

ᤀᤒᤪᤠᤶᤔᤡᤴ ᤑᤠᤱᤒᤥᤱᤅᤠᤱ ᤑᤠᤱᤛᤡ ᤋᤱᤒᤣ ᤁᤧᤖᤧᤸᤗᤧ. ᤕᤜᤘᤣ ᤍᤠᤱᤒᤠᤴ ᤂᤢᤏᤧ᤹ᤀᤥ ᤀᤥᤛᤣ᤺ᤴᤎᤠᤰᤛᤡᤱᤅᤠᤱ ᤔᤧᤳᤋᤢ. “ᤀᤠᤱᤃᤠ᤹ ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤀᤠ॥ ᤀᤠᤱᤃᤠ᤹ ᤀᤠᤍᤃᤠᤱ ᤗᤠᤱᤄᤣᤃᤧ᤹. ᤜᤧᤰᤁᤩᤠᤱ ᤑᤥᤋᤩᤠ ᤔᤣ᤺ᤴᤏᤣ ᤘᤕᤧ᤹ᤀᤥ॥

ᤀᤠᤸᤗᤀᤠᤱᤎᤥ ᤂᤧᤏᤧ᤹ ᤁᤧᤔᤡᤱ ᤀᤒᤪᤠᤔ ᤔᤣ᤺ᤴ ᤁᤖ ᤀᤒᤪᤠᤜᤠᤔ ᤐᤥᤱᤗᤥ. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ᤃ ᤕᤖᤡᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤐᤠᤏᤢᤍᤡᤱ ᤐᤠ ᤆᤥ᤺ᤰᤏᤧᤖᤥ॥

“ᤂᤧᤏᤧ᤹ ᤏᤢ ᤂᤧᤏᤧ᤹ ᤁᤧᤀᤣᤃᤠᤱ ᤋᤠ᤺ᤴᤍᤡ ᤁᤧᤒᤥᤱᤒᤠ ᤁᤧᤔᤢᤀᤡᤍᤠᤱᤛᤠᤜᤠ᤹ᤖᤧ ᤂᤢᤴᤇᤡ᤹ ᤏᤡᤱᤘᤠ᤹ᤑᤢᤔᤠᤱ ᤐᤥᤱᤛᤧ ᤀᤠᤔᤠᤱᤜᤢᤵᤐᤡᤴ ᤀᤠᤱᤃᤠ᤹ ᤏᤢ ᤂᤧᤏᤧ᤹ ᤁᤧᤀᤣᤃᤠᤱᤒᤠ ᤁᤧᤔᤢᤀᤡᤍᤠᤱᤛᤠᤜᤠ᤹ ᤗᤢᤶᤔᤥ ᤛᤍᤠᤍᤡᤱ ᤆᤥᤃᤢᤱᤗᤥ॥

“ᤀᤥᤔᤳᤋᤧ᤹. ᤂᤧᤏᤧ᤹ᤏᤢ ᤀᤠᤱᤃᤠ᤹ ᤆᤥᤃᤢᤱᤒᤠ ᤔᤠᤱᤜᤢᤵᤐᤡᤴ ᤜᤠᤒᤠ ᤁᤴᤗᤥ॥ ᤂᤧᤏᤧ᤹ ᤕᤖᤡᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤐᤠᤏᤢᤍᤡᤱ ᤐᤠ ᤁᤧᤒᤥᤱᤗᤥ॥

ᤂᤧᤒᤩᤠᤱ ᤏᤡᤱᤘᤠ᤹ᤑᤢᤔᤠᤅᤧᤸᤗᤧ ᤔᤧᤳᤋᤢ. “ᤀᤥᤒᤧ. ᤁᤖ ᤂᤧᤏᤧ᤹ ᤔᤧᤸᤗᤡᤱᤃᤧᤴ ᤁᤧᤔᤣ᤺ᤳ ᤛᤠᤖᤠ᤺ᤸᤗᤧᤀᤣ ᤂᤧᤏᤧ᤹ ᤁᤧᤗᤠᤃᤡ ᤕᤧᤶᤒᤡᤳᤇᤠ ᤛᤠᤎᤡᤰ ᤁᤳᤋᤢ ᤁᤧᤒᤡ. ᤜᤧᤰᤁᤩᤠᤱ ᤂᤧᤏᤧ᤹ ᤂᤧᤴ ᤀᤡᤛᤜᤠᤁ ᤔᤡᤱ ᤁᤧᤘᤠ᤺ᤳᤋᤢᤖᤥ॥ ᤀᤠᤱᤃᤠ᤹ ᤂᤧᤴᤏᤢ ᤜᤧᤰᤁᤩᤠᤱ ᤂᤧᤴ ᤕᤠᤱᤛᤡ ᤁᤧᤒᤥᤱᤒᤠ ᤂᤧᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤏᤢ ᤀᤠᤔᤠᤱᤜᤢᤵᤐᤡᤴ ᤛᤍᤠᤍᤡᤱᤗᤧ ᤗᤠᤃᤡ ᤕᤢᤰᤛᤡᤱ ᤆᤥᤃᤢᤱ᤹॥

ᤂᤧᤏᤧ᤹ ᤁᤧᤕᤢᤱᤒᤠ ᤁᤴ ᤁᤧᤖᤧᤰ ᤁᤏᤠᤏ ᤗᤠᤈᤣᤴ ᤂᤧᤏᤧ᤹ ᤏᤢ ᤋᤠ᤺ᤴᤍᤡ ᤁᤧᤍᤠᤒᤠ ᤁᤧᤔᤢᤀᤡᤍᤠᤱᤛᤠᤜᤠ᤹ ᤛᤍᤠᤍᤡᤱᤗᤧᤴ ᤕᤢᤰ ᤁᤢᤀᤡᤛᤡᤰ ᤐᤡᤏᤡᤱ᤹. ᤜᤧᤰᤁᤩᤠᤱ ᤀᤠᤱᤃᤠ᤹ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤑᤢᤔᤠᤱ ᤐᤥᤱᤀᤠᤖᤥ॥”

ᤜᤧᤰᤁᤣ᤺ᤸᤗᤧ ᤀᤒᤪᤠᤜᤠᤶᤔᤧᤴ ᤀ᤺ᤰᤂᤢᤶ ᤑᤴᤇᤡᤱᤅᤠᤱ ᤁᤢᤏᤡᤱᤘᤠ᤹ᤀᤥ ᤀᤣᤖᤧᤖ ᤐᤠ᤺ᤳᤋᤢ. “ᤁᤡᤵ ᤌᤡᤰ ᤋᤱᤒᤣ ᤁᤧᤃᤧᤵᤐᤧᤸᤗᤧᤀᤠᤱ ᤛᤠ ᤁᤳᤋᤢᤒᤡ᥅ ᤑᤠᤱᤒᤥᤱ ᤋᤱᤒᤣ ᤁᤧᤃᤧᤵᤔᤠ ᤛᤠᤖᤠ᤺ᤸᤗᤧ ᤛᤠ ᤁᤳᤋᤢᤒᤡ᥅”

ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤜᤠᤶᤔᤧᤴ ᤔᤧᤳᤋᤢ. “ᤔᤧᤸᤗᤡᤱᤃᤧᤴ ᤁᤧᤔᤣ᤺ᤳ ᤛᤠᤖᤠᤀᤡᤴ ᤀᤠᤸᤗᤀᤠᤱᤎᤥ ᤛᤠᤖᤠᤀᤡ ᤔᤧᤔᤧᤳᤋᤧᤴᤏᤧ᤹. ᤁᤖ ᤂᤧᤸᤗᤧ ᤁᤢᤔᤡᤱ ᤛᤠᤖᤠ ᤐᤥᤱᤗᤥ॥

ᤂᤡᤏᤡ᤹ ᤜᤷᤍᤥ ᤁᤧᤜᤧᤃᤢᤶᤗ ᤐᤥᤱ॥ ᤀᤠᤱᤃᤠ᤹ ᤏᤢ ᤂᤡᤏᤡ᤹ ᤗᤢᤶᤔᤥ ᤁᤧᤒᤥᤱᤒᤠ ᤔᤠᤱᤜᤢᤵᤐᤡᤸᤗᤧ ᤔᤡᤰᤛᤣᤴ ᤜᤠᤒᤠ ᤁᤴ ᤐᤥᤱᤗᤥ॥

ᤁᤖ ᤀᤠᤱᤃᤠ᤹ ᤀᤡᤛᤜᤠᤰᤁᤧᤴᤏᤢᤀᤣ ᤔᤠᤱᤜᤢᤵ ᤆᤥᤃᤢᤱᤗᤥ. ᤂᤧᤱᤃ ᤀᤠᤳᤏᤧᤶᤔᤠ ᤜᤠᤒᤠ ᤁᤴ ᤕᤧᤶᤔᤥ ᤛᤠᤖᤠ᤺ᤸᤗᤧ ᤛᤠ ᤁᤳᤋᤢᤖᤥ॥”

ᤋᤠ᤺ᤴᤍᤡ ᤁᤧᤍᤠᤒᤠ ᤂᤡᤏᤡ᤹ ᤌᤠ᤺ᤰᤌᤠ᤺ᤰᤁᤥ ᤌᤠᤖᤡᤰ ᤕᤧᤶᤒᤡᤳᤇᤠᤛᤠ ᤘᤠ᤹ᤒᤠ ᤕᤧᤳᤇᤡ ᤕᤧᤴ ᤁᤧᤳᤋᤡᤸᤗᤧ ᤜᤷᤍᤥ ᤔᤧᤜᤧᤃᤢ ᤔᤧᤒᤡᤖᤢᤛᤡᤖ ᤐᤥᤱ॥ ᤜᤧᤰᤁᤩᤠᤱ ᤂᤡᤏᤡ᤹ ᤜᤡᤶᤔᤥ ᤛᤠᤃᤧᤘᤠ᤺ᤴᤇᤡᤱᤒᤠ ᤂᤡᤏᤡ᤹ ᤛᤠᤛᤡ ᤔᤧ᤺ᤴᤇᤡᤛᤠᤱ. ᤘᤣ᤹ ᤗᤠᤈᤣ᤹ᤗᤠᤶ ᤀᤡᤱᤔᤏᤠ ᤋᤠ᤺ᤵᤏᤠᤛᤡᤒᤠ ᤛᤧᤘᤠᤖᤥᤒᤠᤜᤠ᤹ ᤏᤢ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤛᤠᤜᤠ᤹ᤀᤠᤱ ᤛᤠᤔᤧᤘᤠ᤺ᤴᤇᤡᤱᤒᤠ ᤀᤣᤃᤠᤱ ᤜᤷᤍᤥ ᤔᤧᤜᤧᤃᤢ ᤔᤧᤒᤡᤖᤢᤛᤡᤖ ᤐᤥᤱ॥ ᤁᤧᤜᤡᤶᤔᤥ ᤛᤠᤃᤧᤘᤠ᤺ᤴᤇᤡᤱᤒᤠᤛᤠᤱ. ᤁᤢᤔᤧᤴ ᤜᤢᤱᤔᤏᤠᤀᤠᤱ ᤀᤡᤱᤔᤏᤠ ᤋᤠ᤺ᤵᤔᤏᤠᤒᤠᤛᤠᤱ ᤜᤷᤍᤥ ᤔᤧᤴᤜᤧᤰᤁᤣ ᤘᤠ᤹ᤏᤧᤑᤃᤪ ᤜᤷᤍᤥ ᤜᤧᤰᤔᤠ ᤐᤡᤔᤠ ᤐᤥᤱ॥ ᤀᤰᤂᤣᤗ᤹ᤖᤡᤰ ᤀᤠᤔᤠᤱᤜᤢᤵᤐᤡᤴ ᤂᤡᤏᤡ᤹ ᤏᤠᤛᤡᤃᤧᤴ ᤌᤰᤁᤥ ᤌᤠ᤺ᤰᤌᤠ᤺ᤰᤁᤥ ᤋᤠ᤺ᤴᤍᤡ ᤌᤠᤖᤡᤰ ᤘᤠ᤹ᤖᤖᤥ॥