Popular Bible Verses from Lō͘-ka Hok-im 23

Паҳн кунед

Iâ-so͘ kóng, “Pē ah, sià-bián in, in-ūi in m̄ chai in teh chòe sím-mi̍h.” Āu-lâi in thiu-chhiam pun Iâ-so͘ ê saⁿ.

Iâ-so͘ kā i kóng, “Góa si̍t-chāi kā lí kóng, kin-á-ji̍t lí ōe kap góa chòe-hé tī Lo̍k-hn̂g.”

I chiū tùi Iâ-so͘ kóng, “Iâ-so͘ ah, lí choh-ông lâi-lîm ê sî, chhiáⁿ ōe-kì-tit góa!”

Iâ-so͘ tōa-siaⁿ hoah, “Pē ah, góa chiong góa ê lêng-hûn kau-tài lí.” Kóng soah, chiū tn̄g-khùi.

In kàu chi̍t ê só͘-chāi kiò-chòe “ Thâu-khak-óaⁿ ”, chiū tī hia kā Iâ-so͘ tèng si̍p-jī-kè, mā tèng hit nn̄g ê hoān-lâng, chi̍t ê tī chiàⁿ-pêng, chi̍t ê tī tò-pêng.

Chha-put-to tiong-tàu ê sî, o͘-àm jia-khàm choân-tōe kàu ē-po͘ saⁿ tiám, ji̍t-thâu sit kng, Sèng-tiān lāi ê tiùⁿ-lî li̍h-chòe nn̄g pêng.

Chi̍t ê kun-koaⁿ khòaⁿ-tio̍h só͘ hoat-seng ê tāi-chì, kui êng-kng hō͘ Siōng-tè kóng, “Chit-ê lâng chin-chiàⁿ sī gī-lâng!”