Popular Bible Verses from San Juan 10

Паҳн кунед

Te j'elec' ha nax ya xtal ta elec', ta milaw soc ta jinaw. Ho'on talemon scuenta yu'un ya yich' scuxlejalic, scuenta yu'un bayel ya yich' scuxlejalic a.

Ho'on te lequil jcanan-tuminchijon; te lequil jcanan-tuminchij ya yac' scuxlejal ta scuenta te tuminchijetique.

Te tuminchijetic cu'un ya ya'iybonic jc'op soc ya jna'ticlambe sba, soc ya st'unonic

soc ho'on ya ca'be scuxlejalic sbahtel q'uinal, ma jaymehl ya xch'ayic, soc mayuc mach'a ya xhu' ya spojbonic ta jc'ab.

Ho'on te ti'corralon, te mach'a ho'on ta jcuenta te ya x'och bahel, ya me xcol; ya x'och soc ya xloc', soc ya sta swe'el.

Ho'on te lequil jcanan-tuminchijon; ya jna'ticlambe sba te tuminchijetic cu'un, soc te tuminchijetic cu'un ya sna'bonic jba

Te Jtat, te la yac'ticlambon te tuminchijetic, ha toyol yu'un spisil yantic, mayuc mach'a ya xhu' ya spojbe loq'uel ta sc'ab te Jtate. Jun ayon soc te Jtate, xchi.

hich te bin ut'il ya sna'bon jba te Tatil soc te ya jna'be sba te Tatile; soc ya cac' jcuxlejal ta scuenta te tuminchijetique.

Mayuc mach'a ya smilon, ho'on nix ya cac' jcuxlejal ta sc'anojel co'tan. Ay ta jcuenta ya cac' te jcuxlejal soc ay ta jcuenta te ya jcha'ich' xan te jcuxlejal. Hich pasbilon ta mandar yu'un te Jtate, xchi.

Hich halbotic xan yu'un te Jesús: Jamal ya calbeyex, ho'on te ti'corralon yu'un te tuminchijetique.

Yan te mach'a tojbil nax, te ma ha'uc te jcanan, te ma yu'unuc te tuminchijetic, teme ya yil ya xtal ha'mal ts'i', ya yihquitay hilel te tuminchijetic, ya xloc' ta ahnel. Hich te ha'mal ts'i' ya yochintay te tuminchijetic soc ya spucticlan bahel.

Jamal ya calbeyex, te mach'a ma ba ya x'och ta sti'il corral yu'un tuminchijetic, teme yan banti ya x'och, ha me j'elec' soc j'uts'inwanej abi.