Popular Bible Verses from Kèʼlo 9

Паҳн кунед

Nyùy nèn kfə̀n sùúy jii, «M lèm ne sa kisəəm ké mensàŋ me m gwar vèsən à vifá ve ŋeʼèn ví vidzə̀m ve ví dzəə̀n vèn áwune, à ŋgwàʼ ye yì wíy a wìy. Rə́m yémé sì é mbàʼ, a yí wíy a dzə kisəəm ké mensàŋ me m gwar vèr à wír veé kitu ke nsayi adzə̀m.

Rə́mé daa e mbàʼ, m leeyì, é m wáa kuumé mensaŋ mee là may me mò‑oò gwàrìn vèr à kifá keé kitu ke nsay ke ŋeʼèn kí kidzə̀m.»

A wìr yùyrí wír, á yùyrí ŋgaàŋ, bìʼ fo mò‑oò bomen wír a dzə̀ e mǒ nshwìnín.

Nyùy nèn səə̀vì Noa wùn à wón vəə́, e sùúy aáwune jii, «Vèn dzəə́ wóné, aá kuʼ, e rùn é kitu ke nsay.

Vifá vidzə̀m ve ví ŋeʼ, kfə̀n gháné vi wíy a dzə viyíkìr vén, e tatí vikwiíy ve shoòŋ vi ve mò‑oò foon ne. M kù fò ne kifá kidzə̀m e vèn.

Vifá ve ŋeʼèn ví vidzə̀m vi wíy a fàn ven. M wày ne vidzə̀m e věn sar, nyám si wùn à menə́n mè, à vifá ve ví ŋaŋrì ŋàŋrìn é kitu ke nsay vi, e lì sə́ si.

Fo vèn lèn, vèn dzəə́ wóné anín ji kiŋgoòy kén kí kuʼ, a dzə nyanyày, e ràm kitú ke nsay kidzə̀m.»