Popular Bible Verses from San Lucas 19

Паҳн кунед

U̶u̶ch je̱' je̱'e̱ ja'ay mu̶dyiibu̶ tzon tzajpjooty tu̶ nmiñu̶ch ya naaxwiiñ ko u̶u̶ch n'u̶xta'awu̶ch y nyajni'idzo'ogu̶ch je̱'e̱ tu̶u̶bu̶ najty tyu̶gooygyu̶xy.

Y jyanchmu̶naangu̶xy: —¡Kapxpaady je̱'e̱ mu̶j'ane̱'e̱mbu̶ mu̶dyiibu̶ miimb mu̶u̶d je̱'e̱ Windzú̶n Dios kyu̶xpu̶ xyu̶u̶! ¡Jiiby tzajpjooty jootkujk'ajtu̶ñ y ku'umaayu̶ñ ma je̱'e̱ Diosu̶ñ!

Chi je̱'e̱ Jesús myu̶naañ: —Jada'achám adaa ja'ay ma adayaaba tu̶jku̶ñ tu̶ y'aanu̶mu̶ yu̶'u̶ ñi'idzo'ogy, je̱' ko je̱'e̱ Abraham nandu'un y'ok'ung y'ok'ana'k'adyii.

Ko je̱'e̱ Jesús jim jya'ty, chi ku̶xp pya't'ijxy, y ijxy je̱'e̱ Zaqueo y nu̶maay: —Zaqueo, mu̶nak tzojku̶m, cham u̶u̶ch nu̶kxy nja'tta'aga'añ ma je̱'e̱ mdu̶jku̶ñ. Chi je̱'e̱ Zaqueo janchjoottu̶goy myu̶najky, y ku'ubu̶jky je̱'e̱ Jesús janch jootkujk.

Chi je̱'e̱ Zaqueo tyu̶naayu̶'ky y nu̶maay je̱'e̱ Windzú̶n Jesús: —Windzú̶n Jesús, nmo'owe̱e̱mbyu̶ch je̱'e̱ ayoobu̶du̶jk ajku̶xy kupt ku̶xyu̶ tijátyu̶ch nmu̶u̶du̶ñ; y pu̶nu̶ tu̶ u̶u̶ch pu̶n nyajkube̱jtnáxy, nyajwimbijttu̶gajtzu̶u̶ybyu̶ch je̱'e̱ mu̶daaxk du'uñdyu̶.

Mu̶'it je̱'e̱ fariseotu̶jk nije̱' mu̶dyiibu̶ najty jiiby mayjya'ay'agujk ajku̶xy, nu̶maaygyu̶xy je̱'e̱ Jesús: —Windzú̶n, oj yu̶'u̶ mja'ay ajku̶xy wan y'amoongu̶xu̶ch. Chi je̱'e̱ Jesús y'adzoowu̶ ajku̶xy: —U̶u̶ch miich nnu̶maaygyu̶xypy, pu̶nu̶ amoomb yu̶'u̶ ajku̶xy, yu̶'u̶ tzaa mu̶k kapxtu̶gu̶'u̶wu̶p ajku̶xy.