Popular Bible Verses from Joni 3

Паҳн кунед

“Ni sa lomani ira na kai vuravura vakaoqo na Kalou, me solia kina na Luvena e dua bauga sa vakatubura, me kakua ni rusa ko ira yadua era sa vakabauti koya, me ra rawata ga na bula tawa mudu.

“Ni sa sega ni tala mai na Luvena ki vuravura na Kalou me cudruvi ira na kai vuravura; me bula ga ko ira na kai vuravura e na vukuna.

Sa vosa ko Jisu, ka kaya vua, “E dina, e dina, au sa kaya vei iko, kevaka sa sega ni sucu tale na tamata, ena sega ni raica rawa na matanitu ni Kalou.”

O koya sa vakabauti koya sa sega ni cudruvi, ia ko koya sa sega ni vakabauta sa qai cudruvi, ni sa sega ni vakabauta na yaca ni Luve ni Kalou, e le dua bauga sa vakatubura ko koya.

Ia sai koya oqo na ka eda sa lewai kina: ni sa lako mai na rarama ki vuravura, ka ra sa vinakata na butobuto ko ira na tamata, ka cata na rarama, ni sa ca na nodra i valavala.

Sa dodonu me levu cake tiko ko koya, ia me'u lailai sobu tiko koi au.”

Ni sa cata na rarama ko koya yadua sai valavala ca, ka sa sega ni lako mai ki na rarama, de kunei na nona i valavala.

O koya sa vakabauta na Luvena, sa rawata na bula tawa mudu; ko koya sa sega ni vakabauta na Luvena, ena sega ni raica na bula, a sa tiko ga vei koya na cudru ni Kalou.

Ia me vaka sa laveta cake na gata ko Mosese mai na loma ni vanua lala, e dodonu me laveti cake vaka talega kina na Luve ni Tamata

Sa lomana na Luvena ko Tamana, a sa solia na ka kecega ki ligana.