Popular Bible Verses from Vakatekivu 9

Паҳн кунед

A sa kaya na Kalou, “Oqo nai vakatakilakila ni veiyalayalati ka'u sa lesia e na keda maliwa, kei na ka bula kecega sa tiko kei kemudou, e nai tabatamata kecega: Au sa lesia na noqu drodrolagi me tu e na o, ia sa na kenai vakatakilakila ni noqu veiyalayalati kei vuravura.

Ia ena tiko e na o na drodrolagi; ka'u na qai raica, me'u nanuma kina na veiyalayalati sa tawa mudu, sa cakava na Kalou kei na ka bula kecega e na mataqali manumanu kecega sa tiko e vuravura.”

“Ko koya sa vakadavea na dra ni tamata, ena vakadavea talega na nona dra ko ira na tamata; ni sa bulia na tamata na Kalou e na kenai yaloyalo [me sai tovo vata kaya].

A sa vosavakalougatataki Noa kei iratou na luvena na Kalou, a sa kaya vei iratou, “Dou vakaluveni, ka tubu me lewe vuqa mai, ka vakatawai vuravura.

A ka bula kecega sa lako rawa sa na kemudou kakana; me vaka na kau drokadroka ka'u sa solia vei kemudou na ka kecega.

Ia na rerevaki kemudou kei na domobula e na vukumudou ena kani ira na manumanu kecega ni vanua, kei na manumanu vuka kecega, io, na ka kecega sa oso kina na vanua, kei na ika kecega ni wasawasa; era sa soli ki na ligamudou.

Ia koi kemudou, dou vakaluveni, ka tubu me lewe vuqa mai; mo dou vakatubura vakalevu e vuravura, ka mo dou lewe vuqa mai kina.”