Popular Bible Verses from Saint Maitthieu 18

Паҳн кунед

Paiche que laivoù que ce sait que se trouvant doue ou bîn trôs dgens raitroupas en mon nom, i m’y trouve entremé d’ioux.

I vos dis encoûe que se doue de vous s’eunissant ensembye su lai târe, et peu qu’es demandant ne tchose, c’te tchose leû serai aiccoûedgea pai mon Pére qu’ost dans lou cîl.

Djîsus aippela în poupenot, et peu lou bouta entremé d’ioux, Peu leû dit: I vos dis pou di sûr, que se vos ne vous convartissâz, et peu se vos ne deveniz coumme das peteutt offants, vos n’entreriz pais dans lou royaume di cîl.

Qu que ce sait don que s’humilierai et peu se ferai peteut coumme c’t offant, c’tu‐lai serai lou pus grand dans lou royaume di cîl

Peu qu que ce sait que reçoit en mon nom în offant té qu’i vins de dire, ç’ost moi‐mainme qu’è reçoit.

I vos dis pou di sûr, que tout ce que vos loûailleriz su lai târe, serai loûaillie aitou dans lou cîl; et peu que tout ce que vos dâloûailleriz su lai târe, serai aitou dâloûaillie dans lou cîl.

Ç’ost dînquîn que mon Pére qu’ost dans lou cîl vos trâterai, se tchécun de vous ne paidgeunne di fond de son cœu ai son frére las toues qu’è‐l‐airai aivu envâs lu.

Se quéqu’ûn scandailise în de ças peteuts que croyant en moi, è vaurai meux pou lu qu’on li boute i cô ieunne de ças meules qu’în âne vire, et peu qu’on lou tchampe i fond de lai mâ.

Se în houmme ait cent barbis, et peu qu’enne seule vegne ai se pâdre, que pensâz‐vous qu’è feuse ailours? ne lâsse‐t‐u pais las quaitre‐vingt‐dézz‐niue autres pai las montaignes, pou olla queri c’tée que s’ost preudjue?