Popular Bible Verses from यूहन्‍ना 6

Паҳн кунед

ओहले येशूगी खुङया़ला सुङ नाङसीन, “मिहली ज़ाङबु तेर्केन्‍गी खुरा ङाहराङ यिहन। ङाहसाला ओहङगेनया़ नाहमॱआङ तो़ज्‍ये म़ेह, ओहले ङाहला यिह-छ्य़े पेहकेनया़ नाहमॱआङ कोम्‍ज्‍ये म़ेह।

मिहली नाङगेन्‍दीनी थुराङ यिहन, ज़ुबु लाहमलेनी च्‍यिॱआङ खेप्‍साङ मेहयोहङगे। ङाहगी ख्‍याया़ला माक्‍योगी ताम थु दाङ मिहली यिहन।

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

च्‍यिबेमाना ङाहती याहपकी थु-सेम दिराङ यिहन: स़ेबुला ताएँ दाङ खोला यिह छ्य़ेगे थाम्‍ज्‍यीगी था़ म़ेहबा मिहली ज़ाङबु ज्‍योर ख़ूज्‍यु, ओहले ङाहगी खोला तिङस्‍यो ती़हजीला सोम्‍बो ज़ोज्‍ये येह।”

ओहले येशूगी खुङया़ला सुङ नाङसीन, “किन्‍ज्‍योगी थु-सेम जे नाङगेन्‍दी दिराङ यिहम्‍बा: किन्‍ज्‍योगी ताङ नाङग्‍योकी स़ेबुला ख्‍याया़गी यिह छ्य़ेदोङ।”

याहपगी नाङगे थाम्‍ज्‍यी ङाहसाला ओहङज्‍ये येह, ओहले ङाहसाला ओहङगेनया़ला ङाहगी नाहमॱआङ लो़ ताङज्‍ये म़ेह।

ओहजेला सिमोन-पत्रुसकी मासीन, “ओ़ चो़वो ला़ह, ङ्यिह सु साला डोज्‍ये? था़ म़ेहबागी मिहली ज़ाङबु नाङगेन्‍गी सुङनी राहङ ङ्याम्‍बुराङ येहबा।

स्‍यिहङगामले माहर ओहङग्‍योगी सोम्‍बो खुरा ङाहराङ यिहन। का़हन्‍दीगी दि खुरा साहएँ खो नाहमॱआङ स्‍यिज्‍ये म़ेह। ङाहगी जाम्‍बुलीङकी मिहया़गी मिहली ज्‍योर्च्‍यु म़ेदी तेर्च्‍ये पेहक्‍योकी खुराती ओ़ह ङाहती ज़ुबु यिहम्‍बा।”

ङाहला ताङ नाङगेन याहपगी ङाहसाला ओहङज्‍ये सेम मेहनाङसीनमाना सुॱआङ ङाहसाला ओहङ मी़हखुएँ, ङाहसाला ओहङगेया़ला ङाह जाम्‍बुलीङकी तिङस्‍यो ती़हजीला सोम्‍बो ज़ोज्‍ये येह।

च्‍यिबेमाना किन्‍ज्‍योगी नाङगे खुरानी ओ़हदीॱराङ यिहन का़हन्‍दीगी स्‍यिहङगामले माहर फेप्‍ती जाम्‍बुलीङला मिहली नाङगे।”

मिहली ज़ाङबु तेर्केन्‍गी खुरा ङाहराङ यिहन।

ओहले येशूगी ओ़ह खुरा नोम्‍दी किन्‍ज्‍योला थुज्‍यी-छ्ये़ फुल फान्‍ज्‍यो ओ़हला तेहक्‍योगी मिहया़ला के़हदी नाङसीन ओहले ओ़हठीॱराङ जेती येशूगी ङ्याहॱआङ नोम्‍दे किन्‍ज्‍योला थुज्‍यी-छ्ये़ फुल्‍दी के़हदी नाङसीन। खुङया़गी ओ़ह साह ख़ूएँ थु साहसीन ओहले खुङगी साह सिहन फान्‍ज्‍यो येशूगी स्‍याहप्‍च्‍यीया़ला सुङ नाङसीन, “ल्‍हा़स्‍युलया़ ती़हदी ज़्‍यो़, च्‍यिॱआङ थोरो डो मा़हच्‍यु।”

छ्यु-टुहला स्‍य़ूहदी नेसा ङाजे टू़हचेगी लाहम काहल सिहन फान्‍ज्‍यो खुङगी येशूला छो-क्‍याहम्‍जो खा-खादा स्‍याहपकी छ्यु-टुह ङो़ले फेप्‍केराङ जेक्‍यो थोङदी खुङ ज्‍यिबुराङ ज्‍यी़सीन। यिहॱनाङ येशूगी खुङया़ला सुङ नाङसीन, “ङाहराङ यिहन, मा़हन्‍ज्‍यी।”