Popular Bible Verses from યોહાન 5

Паҳн кунед

આંય તુમનેહે ખેરોજ આખુહુ, જો કેડો બી માઅ વચન ઉનાયને, માન મોક્લુનારાપે વિશ્વાસ કેહે, તીયાલે અનંત જીવન મીલી, આને તીયાલે પાપુ દંડ નાય મીલે, પેન તે પેલ્લાનેજ નોવા જીવનુમે પ્રવેશ કી ચુક્યાહા, આને અનંતકાલુ મોતુમેને વાચાય ગીયાહા.

ઇસુહુ તીયા માંહાલે તીહી પોળી રેહલો હીને, આને તોઅ ખુબ દિહુ કી ઈયુ દશામે પોળી રીયોહો, ઇ જાંયને ઇસુહુ તીયાલે ફુચ્યો, “કાય તુ હારો વેરા માગોહો?”

તુમુહુ રાખીને પવિત્રશાસ્ત્રમે વાચતાહા, કાહાકા તુમુહુ વિચારતાહા કા તોઅ વાચીને તીહમેને તુમનેહે અનંત જીવનુ વાટ મીલી, તોઅ પવિત્રશાસ્ત્ર માઅ વિશે સાક્ષી દેહે. તેબી સાદા માટે જીવન મિલવા ખાતુર તુમુહુ માહી આવા નાહ માગતા.

તાંહા ઇસુહુ તીયાલે આખ્યો, “ઉઠ, તોઅ ફાતારી લીને ચાલતો વે.” તુરુતુજ તોઅ માંહુ હારો વી ગીયો, આને પોતા ફાતારી ઉખલીને ચાલાં લાગ્યો.

ઈયા લીદે ઇસુહુ તીયાહાને આખ્યો, “આંય તુમનેહે ખેરોજ આખુહુ, આંય માઅ પોતા તાકતુકી કાયજ કી નાહ સેક્તો, પેન માંઅ પરમેહેર બાહકાલે જેહેડે કામે કેતા આંય હીહુ, તેહેડેજ કામે આંય કીહુ, માઅ પરમેહેર બાહકો જેહેડે બી કામે કેહે, તેહેડેજ કામે આંય બી કીહુ.”