Popular Bible Verses from Matayɔ 4

Паҳн кунед

Yeso ambumutisio ɓɔ: « Amati ʉ Mubio kɔɔ Tu, ɓa꞉tɨndakɨa ɓɔ: ‹ Ʉɓɨɨ nguwʉ mombi wambʉkɔmʉ tʉkʉ akʉ moni kʉ idyo. Ɨkyɛmɨngana, wa akʉ moni kʉ muɓomu ngika kakʉɓʉa amati ʉ moni kʉ Asʉɓɨɨ. › »

Gʉ Yeso nayɔ ɓɔ: « Sɨtanɨ! Ʉngwa aka! Jʉ ɓa꞉tɨndakɨa ɓɔ: ‹ Bibiso tʉkʉ Asʉɓɨɨ Makʉasɔɔ, nʉ mʉkyananakɨa tʉkʉ ɛyɔ kʉ nangana. › »

Yeso ambumutisio ɓɔ: « Ɓa꞉tɨndakɨa ɓata kʉ ɓɔ: ‹ Wɔɔkanyokɔmʉ Asʉɓɨɨ Makʉasɔɔ! › »

Mbise ngiinanɨ, 'Ʉtʉma wɔɔ Tu ngua wʉ Asʉɓɨɨ wambʉsa nʉ Yeso akʉ 'ukengu aka ekoo ngia ɓɔ Abɨa umuɓaiso amati ʉ kanyo. Yeso ambʉtaa idyo amati ʉ makwaa makumi ɓʉgɨna, nuɓutu nʉ 'usoti kʉtaa. Kija a꞉kɔnɔ taa.

Yeso ambuɓusigio ɓɔ: « Nakpateni! Maninu kʉnitanakiso tiga ɓombi ɓɔɔ ɓʉhatɛ ɓombi, kʉndʉ iya ni꞉nye fa pongo‑ɔɔ sipe. » Kʉ nɨma ngiinanɨ, ɓambʉsɨa mɨkaʉ ngiindaɓʉ, ɓambufaniso nayɔ kpata.

Kʉʉngwa tʉkʉ ati ngiinanɨ, Yeso ambufaniso ɓɨakɨa ɨsaʉ yɨ Asʉɓɨɨ ɓɔ: « Nicheni mɨtʉma ngiindɛnʉ, jʉ Ɓʉngama ngiɓa ɓa ekoo ʉ ɓisi, ɓa tiga kʉ tinene! »