Popular Bible Verses from Luc 14

Паҳн кунед

«Wotsu warondi mbinge, pasi asatondi vyagenu ne taye andi, ne nguye andi, ne mugatsi andi, ne bane bandi, bane be nguye tsi andi, ketu tsi andi, nesi monyu andi, asagube mubingitsi ami.»

Wotsu wusekike gusindile meguge kwange ne gudufu, negumbinge asagube mubingitsi ami.

Munongumosi, kepagere mutu wakwekunangusi Nyambi gamusunzi, wakwekusunzi Nyambi gamunangusi.»

«Munongu mosi, kepagere mutu vegari enu wusagusise byotsu binandi, asabenzegube mubingitsi ami.»

Pasi re vegari enu, mutu garondi runge ndagu ndiki, agarepikile, akuyabe durangu du doli tsi nandi gere dubenzemane runge ndagu yine. Pasi re amapakile gidyanzu gi gubuke mevulu me mekutu kwange ne gudigunge, asamanisile gurunge ndagu yine, batu begumusyeve. Begwambile re «Gengisanu mutu wune asepakile gidyanzu gi gurunge ndagu ndiki, tumbe asayimanisile.»

Tumbe pasi re wavegi mulambu mumengu, rombe bigayi, batu bene byere, membogelotu, batu bene pafu. Pasi re wavage nane, wugube ne mugangu mbare besagurungule kugabusile. Tumbe Nyambi gukugabusile byoni wisi wu batu bevage meboti begurambugile gu dufu.»

«Kebu givave giboti, tumbe, pasi re yisegandi ne ndume, gu sandi givave gi gukunde yigabuse. Yisegandi ne musumbu, mbare nesi yise kuku ve dibandu dibivaru, yisabenzekunde bibendise dikengi yigubumu ke gubumu. Yulu anu dikengi dyambu di nyanwambili, dibandekeni anu mu mirime.»