Popular Bible Verses from लूका 22

Паҳн кунед

“हे बाबा! जे तुऐं चहाँव तअ ऐजा दुं:ख्ह का बैलुवा मुँह कैई शा दुरका करी सको; तबे भे मेरी ने परह् तुवाँरी हिछ़्या पुरी हऐ चेंई।”

परह् शमौन, मुँऐ ताँव्खें प्रार्थना करी थऐ, के तेरा बिश्वाष खत्त्म ने हों; अरह् जबे तू होशौ दा आऐला, तअ आप्णें भाऐ-बंईण बिश्वाष दे पाक्कै करला।

तबे प्रभू यीशू ऐ रूटी करी, अरह्, धन्यबाद के प्रार्थना करियों तियों च़ुड़ी; अरह् ऐजो आप्णें चैले खे बुलो, “ऐजी मेरी देह्-शरीर असो; जुण्जी तुओं खे देऐ लऐ, अरह् मुँह च़ींत्तणों खे तुऐ ऐष्णों ही करिया करह्।”

तेष्णा ही प्रभू यीशू ऐ बियाल़ी खाऐयों, सेजा बैलुवा ऐजो बुल्दे दिता; के ऐजा बैलुवा मेरे लंह्ऊँ शा भरा अंदा असो; जुण्जो लंह्ऊँ तुवाँरी ताँईऐं बुवाऐ लो; ऐजा तुओं आरी ऐक “नुवाँ बाय्दा असो।”

प्रभू यीशू बैजाऐ कष्ट अरह् दुख्ह शे तड़्फी रूऐ थिऐ, परह् तबे भे से दिल-जाँन शे प्रार्थना कर्दे रूऐ; अरह् “ऐत्रें ज़ूगे के तिनकी माँथै शी गर्मी के बड़े-बड़े लंह्ऊँ के जिऐ टिपू धनियों धर्ती गाशी पड़्दे लागे।”

परह् तुँऐं ऐष्णों ने करे, किन्देंखे के जुण्जा तुओं मुँझी सोभी शा बड़ा असो; सेजा सोभी शा छुटा जिया बंणाँ अंदा रंह्, अरह् जुण्जा तुओं मुँझी मुँखिया असो, से सोभी का सेंवक जिया बंणों।

प्रभू यीशू ऐ बुलो, “हे पतरस! हाँव ताँव्खे बुलू, के ऐत्त्लो रात्ती कुक्ड़े के बाँक देणों शा आगे तू च़ीं बंई भाजी ज़ाँईदा के हाँव ने ऐसी जाँण्दा।”