Popular Bible Verses from यूहन्ना 19

Паҳн кунед

जबे प्रभू यीशू ऐ तेसी सिरका चाखा तअ बुलो, के “सब-कुछ पुरो हंऐ गो।” अरह् तिन्ऐं आप्णों मुँढ नाँऐयों आप्णें प्राँण छुह्ड़ी दित्ते।

ईन्दें पाछ़ी जबे प्रभू यीशू ऐ ऐजो जाँणीं पाव, के ऐबे सब-कुछ पुरो हऐ गुओं; तअ पबित्र-ग्रन्थों का सेजा लेख्ह पुरा कहर्णो खे बुलो; “हाँव च़ींषा असो”।

प्रभू यीशू ऐ आप्णी माँ, अरह् तेसी चैला, जुण्जा प्रभू यीशू के प्यारा थिया; तेसी भे आप्णीं माँ कैई खह्ड़ा देखा, तअ तिन्ऐं आप्णीं माँ खे बुलो; “हे माँ! ऐजा तेरा बैटा असो।” अरह् तबे प्रभू यीशू ऐ आप्णे तेसी चैले खे बुलो, “देख, ऐजी तेरी माँ असो!” अरह् तबे तेने चैले ऐं प्रभू यीशू की माँ-मरियम आप्णी गंईलो आप्णें घहरे नींह्।

परह् जबे तिनू सपाईऐ प्रभू यीशू कैई आऐयों देखो, के से मंरी गुऐ; तअ तबे तिन्ऐं तिनकी बाँगणी ने च़ुड़ी। परह् ऐकी सपाई ऐं तिनकी शाप्ड़ी के बीचो; दा भाला माँरा, अरह् तिन्दें शो तैख्णी पाँणी अरह् लह्ऊँ नींक्ल़ों।

ऐष्णो ईन्देंखे हुओ, के पबित्र-ग्रन्थों दो जुण्जो बुलो गुओ थियों, सेजो पुरो हों, के “तिनकी कुँण्जी भे हाड़की ने च़ूड़ी ज़ाँव।” पबित्र-ग्रन्थों के ऐकी जागे दो ऐष्णों भे लिखी थो; के “जेसी तिन्ऐ बह्ड़छै लई भींना थिया, तेसी से हजो देख्ले।”

तबे तिन्ऐं प्रभू यीशू तेसी जागे दे नींऐं; जिन्देंखे (इब्री भाषा दा “गुलगुता” बुली; जिन्दें का मंतल्व “खोपड़ी” के जागा बुली ज़ाँव; अरह् प्रभू यीशू ऐं आप्णा शुँल़ी-फ़ाँशी आपु थागी थुवा थिया)।

अरह् सपाईऐं काँडे को मुँकुट गुंन्दियों प्रभू यीशू के मुँढों गाशी थो, अरह् तिन कैई शे राज के खट्णों बंम्बाऐ जुण्जे के बैंजनी रंह्ग दे मंह्खमंह्ल के थिऐ।