Popular Bible Verses from यूहन्ना 10

Паҳн кунед

चोर कोसी ओकी काँम शा ने आँदा, से तअ सिर्फ चूरी करदा, हंत्त्या करदा, अरह् नाँष करदा आँव; परह् हाँव ईन्देंखे आऐ रूवा, के तुँओं खे जीवन भेटो; अरह् भर-पुरी का जीवन भेंटो।

“आछा भैंड़वाल़ा हाँव असो: आछा भैड़वाल़ा आप्णीं भैंड़ो की ताँईऐं आप्णी जीयाँन-प्राँण देऐ दियों।

मेरी भैंड़ो मेरो चूचकार्णो शुँणों ऐ, अरह् हाँव तिनू पंह्छ़ियाँणू ऐं; अरह् से मुँह पाछ़ी-पाछ़ी चालो।

हाँव तिनखे अमर-जीवन देऊँ, अरह् से कद्दी भे नाँष ने हंदी; अरह् तिनू कुँऐं भे मेरी हाथों शी आगु ने करी-द्ड़ी सक्दा।

हाँव ही दुवार असो; जे कुँऐं मेरे कारण जीवन दे दाखिल हों, तअ से छ़ुट्कारा पाँदें; अरह् से भीटे-बाईडे आँदे ज़ाँदे रंह्दे, अरह् तिनू खाँणा-पींणा भेट्दा रंह्दा।

“आछा भैड़वाल़ा हाँव असो: हाँव आप्णीं भैंड़ो पंह्छ़ियाँणू ऐ, अरह् मेरी भैंड़ो भे मुँह पंह्छ़ियाँणों ऐ।

मेरा बाबा जिन्ऐ मुँह्खे सब-कुछ़ देऐ थो, से सोभी शा बड़ा असो; अरह् कुँऐं भे तिनके हाथों शो किऐ भे ऊडो ने करी-द्ड़ी सक्दा। ‘हाँव अरह् बाबा ऐक जीऊँ असो।’”

जेष्णाँ बाबा मुँह पंह्छ़ियाँणों, अरह् हाँव बाबा पंह्छ़ियाँणू; तेष्णें ही हाँव आप्णीं भैंड़ो की ताँईऐ आप्णीं जीयाँन-प्राँण देऐ देंऊँ।

कुँऐ भे मेरी जीयाँन-प्राण मुँह कैई शी आगु ने करी-द्ड़ी सक्दा, परह् मुँऐ आप्णीं जियाँन-प्राँण आप्णीं ही हिछ़या शे भेंट करी लऐं, अरह् मुँखे हजों आप्णीं जीयाँन-प्राण पाँछ़ू लणों का हंक-अधिकार भे बाबा ऐ आपु ही देऐ थुवा; जुण्जा के मुँह बाबा की ही तरफ़ शा भेटी रूवा।”

ईन्देंखे प्रभू यीशू ऐ हजो तिनू लोगों खे बुलो, “हाँव तुँओं कैई शो ऐसी अंनाँणें का मंतल्व संह्म्झाँऊँ; हाँव ही भैंड़शाल़ो को दुवार असो

धियाड़ूवा जुण्जा ना तअ भैंड़वाल़ा आथी, अरह् ना भैंड़ो का माँलिक आथी; से भैड़िया आँदें देखियों, तिनू भैंड़ो छ़ुड़ियों भागी लागो; अरह् सेजा भैंड़िया तिनू भैड़ो थाँहम्बड़ियों खिदर-बिदर करी दियों।

“हाँव तुँओं कैई भैंड़वाल़े अरह् भैंड़ो को अनाँणों शुँणाँऊ: के जुण्जा कुँऐं भैड़शाल़ दा दुवार-जैडी खुलियों भीटा ने ज़ाव; अरह् से कैथी ऊक्त्ते ही बाटी भैड़शाल़ दा भींटा ज़ाँला, तअ से कुँऐ चोर डाकू ही हऐ सको।