Popular Bible Verses from Lukga 12

Паҳн кунед

Esge nishge hirakarawire Wankshig‐hinigra howagixeja jikjanena inke shesge hirarani harajau.

Eshi Maura hungma harnira ruxurug‐naixjiwina, egi washa de‐e harnaj hijornigishukjanihawina.

Egi wawagena: Horuxujwige, hirakarauwine hitajenaira, wankshigra hisha hitajegishi inke she‐e wankshighi‐ininana.

Hisgexjina hajinja washa jexira nigiginangwigi, eja najge washiniwira nangikjanena.

Egi hajanga najge wornijiwishge hoserejra si‐isha hijominagkhi ruxurugnashe?

Egi hironaghirera wawagena, esge wanigawina: Wankshighoi hashiniwira inke najge wokarajiwinine, jagu raijanihawigi, egi shige inke rora, jagu hoshawaxuikjanihawigi.

Egi naju washiniwi rareshge harnaj waikarab hirena, esge inke naxirawinine, Sparora rohaxji hiraijera hirakisge harajena.

Inke naxirawinine, hornihe xununigwira, Hianjrawiga hungma harnira hornikuwingi giphinara esge.

Kaxira woruxujwire: Inke max hoshuninankshana egi inke max hikishere‐ninankshana, egi shige inke makuha egi shige waisgab‐hojhi juninankshana egi Maura waruj wogajena. Jasge inke ne hiraijaira niphiwinishe, wanigra hornirujis hirawishe?

Egi jagu raijanihawigi inke hiwaxwinianje, shige jagu sharajgakjanihawigi egi inke warna‐ina wakhibahinine.

Egi Maura xawinagre waini shesge wagiuna, e hamb de‐e maneginagre, egi hainigi jhitakaj‐hi rogeja wot’urairanana, hiraijeraxji waini nigiuwina? Jowexjinig harnaxgu hashanagre.

Washanisha harukainegi hahi harnaj jantinekjanena, egi jarnaga washara nuxawangi hahi wawiperes‐hirekjanena.