Popular Bible Verses from Matta 13

Паҳн кунед

Abi gwina gwido ŋiro ganu ŋina ŋiŋir, gwiro kwiji gwina gwathidiŋini dhuŋuna dha Kalo, ŋwuliŋa momaŋ; a gwarire ko fruuta momaŋ; ŋwuthi je dure‐thudhina, a coŋ dure‐thiril, a coŋ dhure‐a‐die.

A ŋwina ŋwide gi cugi ganu gwiro gwina gwathidiŋini dhuŋuna dha Kalo; athibi ŋidi ŋa gidhila ibiga mirejuni dhugore a ŋidi ŋoinyadho mirejo galo, aleny dhuŋuna dha Kalo, athuŋw riro no.

Mathi kwiji gweta diŋini dhuŋuna dha gidhila ga Sama, athuŋw biliŋidhi no, a Sheṯaan ila, ŋwugre dhuŋuna dhina dhikwuinu gi dhugor ganu dugun. Gwiro ŋeda gwina gwikwuinu gi dhai kuni.

A ŋwina ŋwide ŋworlolo ganu, gwiro gwina gwathidiŋini dhuŋuna dha Kalo, ŋwunmuthadha ganu babraŋ, ŋwiŋir dhugore; athuŋwbuthi duwa no, athuŋwbi je gwitiny manaŋ; abi mal dhuŋun dhina dhike ilijo; i man liji dhagirini gi dhuŋun dhina dhuthilo dha Kalo, an idudhadha ganu.

Gidhila ga Sama giro ŋinena ŋidi ŋina ŋiŋir ŋina ŋigilibicinu gi dhiruiny ganu; ŋina ŋibujilo kwiji gweta, ŋwulgilibice, gwiŋir dhugore gwuleny, ŋwela, ŋwelia ŋida ŋuŋun peth, ŋwelaŋ dhiruiny ibidhe.

A coŋ ide ŋiro ganu ŋina ŋiŋir, aliŋa keleŋa; a coŋ uthi je dure‐thudhina, a coŋ dure‐thiril, a coŋ dhure‐a‐die.

Abricilo albiŋa liduŋw di maji maluni ŋwona; abi gi lamun ibile nyi gwabiŋaijo lijo lina lathapai ŋiro, linyilaici, Waladhul domela galo kwereny, nyageta liduŋw, daji dudunini; nyabuni ŋwona ŋwiny, nyalbuluje ŋiluŋw ŋiny.