Popular Bible Verses from Johanes 16

Паҳн кунед

Ami mbe mu raere omambo nga, kokutja eṋe mu kare nohange moruwano na ami. Mamu munu ouzeu mouye. Nungwari yanḓipareye! Ami ouye mba toṋa!”

Neye tje ya, indji Ombepo youatjiri, me mu hongorere mouatjiri auhe. Eye ke nokuhungira mouvara we omuini, nungwari ma hungire imbi mbi ma zuu ne mu raere oviṋa mbi mavi ya.

Ngamba kamuya ningira otjiṋa mena randje; ningireye nu mamu pewa, kokutja enyando reṋu ri urisiwe.

Nungwari ami me mu raere ouatjiri: Okokuwa ku eṋe ami tji me i, orondu tji mbi ha ire, ingwi Omuvyonge ke nokuya ku eṋe. Nu tji mba i, ami me mu hindi ku eṋe. Nu eye tje ya, ma raisa kovandu mouye kutja owo ve ri posyo mourunde na mu imbi mbi ri ovisemba na mombanguriro ya Ndjambi.

Otjinga ape ri nao na eṋe: Nambano mu noruhoze, nungwari ami me mu munu rukwao, nomitima vyeṋu avi urisiwa nenyando, indi enyando ndi mu hi na maamu yekwa i omundu. “Eyuva ndo tji re ya, eṋe kamu nokundjiningira otjiṋa. Tjiri, tjiri, ami me mu raere, Tate me mu pe ngamwa atjihe tji mamu mu ningire mena randje.

Tjiri, tjiri, ami me mu raere, eṋe mamu riri nu mamu tjeme, nungwari ouye owo mau nyanda; eṋe mamu ṱoruhoze, nungwari oruhoze rweṋu ndwi maru karira enyando.