Popular Bible Verses from Johanes 14

Паҳн кунед

“Ohange me i sye na eṋe; ohange yandje me yandja ku eṋe. Ami hi nokuiyandja otja ouye tji u tjita. Amu kurungisiwa nu amu uruma; amu tira.

Jesus we mu zirire a tja: “Owami ondjira nouatjiri nomuinyo; kape nomundu ngu ma i ku Tate nokuhinaami.

Jesus e ve raerere a tja: “Amu kurungisiwa nu amu tira. Kambureye mu Ndjambi, nu wina kambureye mu ami.

Nu Omuvyonge, ingwi Ombepo Ondjapuke, Tate ngu ma hindi mena randje, me mu hongo oviṋa avihe ne mu zemburukisa avihe mbi mbe mu honga.

“Ingwi ngu ma yakura omatwako wandje ne ye ṱakamisa, eye we ndji suvera. Tate ma suvere ngamwa auhe ngwe ndji suvera; nami wina me mu suvere ne riraisa ku ye.”

Ami me ningire ku Tate, neye me mu pe Omuvyonge warwe ngu ma kara puna eṋe nga aruhe. Eye Ombepo ndji vandururira ouatjiri wa Ndjambi. Ouye kau sora okumuyakura, owo tjinga au hi nokumumuna nau hi nokumutjiwa. Nungwari eṋe mu mwi i, eye tjinga e kara puna eṋe, ne ri mu eṋe.

Nu atjihe tji mamu ningire mena randje, ami me tji tjiti, kokutja Tate a hivirikwe mOmuna. Tji mamu ndji ningire ngamwa atjihe mena randje, ami me tji tjiti.

“Tji mwe ndji suvera, mamu ṱakamisa omatwako wandje.

Mondjuwo ya Tate mu nomatuwo omengi, nami me kemuṱunina oruveze. Ami hitje mu raera otjiṋa hi, andakuzu ka tjiperi nao.

Nu tji mba i ne kemuṱunina oruveze, me kotoka ne yokumutwara koyandje, kokutja eṋe mu kakare ingwi ami ku mbi ri.

Tomas arire tja tja: “Muhona, katu nokutjiwa ku mo i; nu matu sokutjiwa vi ondjira ndji yenda ngo?”