Popular Bible Verses from Genesis 6

Паҳн кунед

Dai soigamu Gïr Nukadakami nïiditai odami ix makïdï idui dai pobï ïrhi ïgai, —Tukamïrï maiti iduñimudai aanï mai soi gin ïrhiadamudai nïiditai podukai odami— gï ïrhidi ïgai.

Dai Gïr Nukadakami tïgito nïidi bïïxi go óídakami oidigi dama ix arhiï mai kïkïïgadu iibhïadï dai go ïï soimaaxi tïgibudagai adaimïi.

Dïï gia Gïr Nukadakami apia bïïxkïrï bhai ïrhiarakïdï nïidiña go Noé.

Xibi aagamu aanï go Noé. Go Noé kïï tuigakana dai kïï ïïgidiña Diuxi. Aidïpïrï go ïï Noé ïgai dai ïïgidiña Diuxi. Maigobai mai tipukatadai ïmai xorai ïpïandukai biakagi tïgibudagai.

Daidi itïi ïgai —Xibi gia bïï naato xia duadamu aanï odami ix makïdï idui aanï ïmadï modukai kiiyïrï buxtaki dai oidigana buxtaki dai asta go kïkïixi bïïxi ïmadï ujurugi. Xioma ïr kïïgaikamudai ix maiti iduñimudai aanï— itïi ïgai.

Bhodïrï ka arhiï kabami muidimi oidakami oidigi dama. Dai ïïmoko go maamaradï Diuxi soimaaxi idui. Tïgito tïï aarhi oki ix kïï titiodi dai popoki dïïdïdï ïïgi ix makïdï ojoidi. Dai go maamaradï Diuxi bui aarhi oki dai onta dai abhiadïrï gïïgïrdukami kïkïïrhi maamara ïgai. Mui umigi óídakatadai go gïïgïr kïkïïrhi ïgai oidigi dama. Sïïrhikïdï oomarhigakana ïgai xi kaxkïdï arhiï aatagaiña óídakami ïki. Daidi Gïr Nukadakami itïi, —Gin tïgibudaga mai xu mos apia bïïxkïrï maakadamu ñoki odami. Ka mos ïr ïï soimaaxkami tïgibudadï ïgai di. Ka mos arhi ïmo ciento dan ïmokobhai umigi dagitomu aanï ix óídaka óídakami oidigi dama kia— itïi ïgai.

Dai go Noé idui bïïxi go aaduindagai ix makïdï gatïjai Diuxi.

Dai bhodïrï Diuxi potïtïdai go Noé sai, —Ka buana iñagai oidigi dai ka mai biamu aanï oidakami. Bïï naato kodamu aanï odami oidigi dama xïïxi oidaga. Arhiï mai xadutudakai óídaga ïgai tomarhi ïmadutai— itïtïdai Diuxi.

—Xibi gï agai ix iduña aapi ïmo barko kïï kaapakamikïdï uxi daidi iduñi tutukabi ïraana. Bhodïrï gï agai xi bhïiyagi aapi saidakami tukukami ix makïdï oidigi ïrabiadïrï busanïi daidi ïgaikïdï saitudagi go barko ïrabiadïrï dai modukai kidigamadïrï xi mai baakiagi sudagi.

Go ïï soimaaxi tïï Diuxi nïiditai oidigi ka mos pupuirukatai oidakami.

—Dai gogokatai daibidamu bïïxi ixtuma oidaga oidigi dama. Dukami kiiyïrï buxtaki maaxi dai oidigïrï buxtaki dai kïkïixi dai aarhi kïkïixi dai ujurugi. Dadimu gobai pai aapi soikïdana. Dai podukai gogokatai abïr bapaasa ïgai gïn ïmadï barko ïrana ïïmo kïkïïrhiadï ïmadï ïïmo okiadï sai mai ugitïna ïgai.