Popular Bible Verses from Yoa 16

Паҳн кунед

Me nga mane kate mia mame ma na, mi tabe *mvo'é ne mieññ amu ma. Mia ye fo'o bi bitibela'a; ve da, bo'one ngul minlem, mamien me dañeya si ndôn.

Eyoñe ñhe, Nsisim bebela nye a ye so, a ye li'itane mia zene ya bebela ase ngumba. Amu a ye bo te kobô mam mé, ve mam mese a ye wôk, e me a ye kobô, a kate fe mia mam ma zu.

Azukui éyoñe ji, mi nji ja'é jam éziñ a jôé dam. Jaka'ane ñhe, mia ye nyoñ, éyoñe te ava'a denan da ye bo njalan ne lut.

Ma kate fo'o mia bebela na, e ne mia beta mfi na me ke. Amu nge ma bo te ke, Mvolô minlem aa ye ke zu be mia. Ve nge ma ke ki, ma ye ke lôme mia nye. Eyoñ a ye so, émien a ye kpwé *si nyô ajô *abé, ajô *zôsôô, a ajô ntyi'ane mejô.

Mfa'a wônan, mi bili fo'o ôlun éyoñe ji. Ve ma ye beta zu yene mia. A nleme wônan wo ye fôn a mevak, a meva'a menan mete, teke môt a ye vaa mia me. Môs ôte, mia ye bo te sili ma nsili éziñ. Bebela, bebela émien fo'o ma kate mia na, e jôm ése mia ye sili Tate a jôé dam, a ye ve mia je.

Ma bele fo'o ane ma jô mia na, mia ye yôn a tat, ve si ndône ki ja ye vak. Mia mia ye fo'o wô'ô ôlun, ve ôlune wônan wo ye kôñelan a veñesane mevak.