Popular Bible Verses from Mark 13

Паҳн кунед

Mihing theampo in note kei hu in, hong ensan tu hi. Ahihang a tawp dong a thuak zote in ngupna a nga tu uh hi.

Na kinging vun a, na kipilvangsak vun, banghang ziam cile a hun hong tun tu na he bua uh hi.

Tuaciang no hong kiman a, zum mai ah hong kipaipui ciangin, na pau natu uhte thinngim khol heak vun; a hun hong thet ciangin, hong kihil babangin, na pau tu uh hi. Banghang ziam cile na kammal zak tu te sia no ii pau ahi buatu hi; Thaa Thiangtho kung panin hong pai hi tu hi.

Vantung le simlei hong bo tu hi, ahihang ka kammalte bo ngeingawl tu hi.

“Ahihang kuama in a ni le a nai hong tun hun tu a he bua hi, van a vantunglalangte hikale Tapa hikale in a he bua a, Pa bek in he hi.

Tuaciangin ngal kisimna awnging a naina ah ahizong, a khualana ah ngal kidona thu ahizong, na zaak uh ciangin patau heak vun. Tuate sia a pian tu ma hi a, ahihang a tawp natu hi ngawl lai hi.

Tua ahikom, na kikeam tavun, banghang ziam cile, innteakpa bang hun ciang hong cia kik tu, ci in na he bua uh hi — nitak zongh hi thei, zankim zongh hi thei, tua ahibuale zingtuung zongh hi thei, nisua laitak zongh hi thei hi. Thakhat thu in hong theng le, a mu sa in na om uh hong si bua het le pha hi. No tungah kong son teng mihing theampo tungah ka son ahi hi. A kingingta sa in om vun!” ci hi.

Ngam khat le ngam khat hong kisim tu a; kumpi khat le kumpi khat hong kido tu hi. Mun theampo ah zinliing tu hi, tuaciangin kialpi tung tu hi. Hite sia nausuak tu a tut kipat bang ahi hi.

Ahihang a tawpna hong thet ma in, lungdamna thu sia mihing theampo tungah kihil siat tu hi.

Kei min taw mihing tam mama hong pai tu a, ‘Keima in tuasia pa khi hi!’ ci in mihing tam mama theam tu hi.

“Noma le noma na kikeam vun. No sia hong kiman tu a, zum mai ah hong kithen tu hi. Synagogue te ah hong kivel tu hi, Lungdamna Thupha son tu le, keima hu in ngamukte le kumpite mai ah note na ding tu uh hi.

Banghang ziam cile Messiah theam le kamsaang theamte hong piang tu hi. Hi thei hile, Pathian ii tealsa mihingte ngawngawn a theam tu in, amate in nalamdang lakna a tumdang nate hong vawt tu hi.

“Ngimna hun zawkciang hong pai tu nite ah ni hong taang nawn ngawl tu a, tha zongh taang nawn ngawl tu hi, aksite van panin taaksuk tu hi, van a om nate a paina lampi ngei panin lampial tu hi.