Popular Bible Verses from यहूना 3

Паҳн кунед

“क्याखिनकि परमेश्वर ले यो संसार का लोगून खिन इदुक प्रेम राखछ्य कि उले अपूनो एकलौतो च्योलो दी दीछ, ताकि जो कोई ले उमें विश्वास करोलो उ नाश नी हो, लेकिन अनन्त जीवन पालो।

क्याखिनकि परमेश्वर ले अपून च्याला स संसारा का लोगून में दंड दिन खिन नै भेजियो, लेकिन येक कारण भेजिछै कि संसार का लोग उक द्वारा उद्धार पान।

यीशु ले ऊस जबाब दीछ “मैं तुमूनथैं सच्ची-सच्ची कुछूँ, अगर कोई नय्या सिराले जन्म नै तो उ परमेश्वरा का राज्य स देखी नै सकून।”

जो मैंमें विश्वास करछो उमें दंड आज्ञा नै हुनी, लेकिन जो मैंमें विश्वास नै करून, उ दोषी ठैराई जा चुक ग्योछ, येक कारण कि मैंमें मतलब परमेश्वरा का एकलौता च्याला का नाम में विश्वास नै कर्यो।

और दंड की आज्ञा को कारण यो छै कि उज्यालो संसार में आछै, और लोगून ले अन्यारो स उज्याल है ज्यादा निको मानछै क्याखिनकि उनार काम बुर छ्या।

जरूर छै कि उ बढ़नै जौ और मैं घटनै जू।

क्याखिनकि जो बुराई करछ्यो, उ उज्याल है बैर राखछो, और उज्याल में उछो, इसो नै हो कि उक कामून में दोष लगाई जौ।

जो परमेश्वर में विश्वास करछो, अनन्त जीवन उको छै, लेकिन जो च्याला स नै माननो, उ अनन्त जीवन स नै देख सकूनो, लेकिन परमेश्वरो को दण्ड उमें रूछो।”

और जस तरीका ले मूसा ले बिरान जागा में स्याँप स ऊचां में चढ़ाछ, उसीकैं जरूरी छै कि मैं आदिमी का च्याला स लै ऊच्चां में चढ़ाई जालो।

पिता परमेश्वर च्याला का दगाड़ प्रेम राखछो, और उले सब चीज उक हात में दी दीछ।