Popular Bible Verses from Matiyò 23

Паҳн кунед

È mɔ̀ ema a hwèlì è mòndɛnɛ wà anyu, mɔ̀ ndi à hwɛni lì hwɛ nàa e mògbèèlì wa anyu.

Tɔ̀ ima mòtò ema à akàrzɛ̀yi Lohwɛ̀ a mò rzìirzɛ. Tɔ̀ ima mòtò hvɛ ema a arzìhwìrzɛ Lohwɛ̀ a mò kàrzɛ.”

“Mòjèmà na inyɔ, Hwà-òkòlèlì hwa mbenda, na inyɔ Hvàlìrzàyì. Inyɔ hwatò hwa mèhvìlì! Inyɔ e ŋgbà Lohwɛ̀ lìyòmɛ̀ lɔ̀kɔ la hwema hwe lìyambò hwe hvɛ̀ɛ̀hvɛ̀ nàa mìinitì, dilì, na kòmini. Ndi e rza òhvi nyìrzɛ̀ ya lì gbeyà hweyà ema e mbenda e òhwa nanù ema e gbèèye. È rza enje jɔ̀kɛ̀ na Lohwà, e rza òhvi mèèmà me ììlì ndèŋgànɛ̀lɛ̀ e rza lòkɛ̀ Lohwɛ̀. È kanɛ̀ ò lì gbeyà hwene hweyà hwe arzɛ e rzi hwɛ lì lìya hwenɛyi.

“Mòjèmà na inyɔ Hwà-òkòlèlì hwa mbenda, nà Ihvàlìrzàyì, inyɔ hwatò hwa mèhvìlì! È rzàŋgirzɛ i mburzà ja mawònde na hwewòki, ndi i tenì ja awu jò òndi ndi na hwèèmà ema inyɔ e ma hvùmàne hwatò nà njɔ̀ŋgu.

“Bɔ̀ɔ! Inyɔ hwatò hwa Jèrurzalɛ̀mù, hwatò hwa Jèrurzalɛ̀mù! Inyɔ ema e ma òŋwa hwà-òhwèlì hwa hwèlìŋgɛ̀. Inyɔ ema e ma aŋgba hwaŋga hwatò ema hwà mà òmàhwɛlɛ màŋyàyi. È hwi ŋgelì iti ema nà mà kekɛ lì rzaŋga hwàna hwa anyu nàa wuhwa ema e gbiyama i ŋguma jà eni ò tenì ya mahvahve mà eni e? Ndi inyɔ e rza emeyà.

Inyɔ hvɛ e hwèlì ndi nanù mɛnɛ. O èwòka, hwatò hwa e ɛnɛ ndi hwatò hwa wòtani ndi ò tenì ya anyu, e òndi ndi na mèhvìlì na wòhwe.”