Popular Bible Verses from Lukàrzɛ̀ 12

Паҳн кунед

Inyɔ hvɛ è hwɛnì lì àwòŋgirzɛ̀nɛ̀ èhwànja è Ŋmanà wà è Mòtò wà Hwènàmà a ò jà ò lìrzàkò ema e rzà mò àhvìtɛ̀.”

È lòmè lì àrza hwema hwe lìkànèyà la ama Lohwɛ̀, aŋga ndi Lohwɛ̀ a e ŋgba hwenɛyi hwe arzɛ.

Yerzù rzìi a hwa òhweyà hwa àrzɛ̀ nanù ema, “È aŋgòwè! È rzì ika mèèmà me anyu ò èrzàŋgò jɔ̀ɔjɔ̀ɔ èhwanja rzèkɛtɛ èrzàŋgò ya rzayì-rzayì ema mòtò a hwɛnì ndi e mò ŋgbà lòŋgɛ.”

Ŋmemà mò mòtò mò hwèlì ndi èki ema lùùtà lì eni lì hwèlì.

Njɛnɛ wa anyu ema ò lì atàkìrzɛ̀ la eni, a tànɛyi lì hwata ehvòwa ya eyu ò lòŋgɛ la eni e?

Yerzù à mà òhweyà hwà-òkòwèlì hwa eni nanù ema, “O èŋgànɛ̀lɛ̀ rzɔ, nà è òhweyà nanù ema è rza atàkìrzɛ̀ mòŋgɛ ma anyu. O lì àrza mamɛ e hwɛnì lì làa, tɔ̀ mamɛ ema e hwɛnì lì wɔ̀tɔ̀.”

Lohwɛ̀ a hwi mɔ̀rzɔ̀ŋgi mò mahvumbu ma mèyòhvò me anyu. O èŋgànɛ̀lɛ̀ rzɔ e rza òka tɔ̀ wɔ̀ŋgɔ̀ èhwanja inyɔ e hwɛni wòlìtò rzayi-rzayi ò ma Lohwɛ̀ lì akayi mèndiyɛ̀ndiyɛ.

“Wònya hwa ami kòkò, è rza òka wɔ̀ŋgɔ̀. Rzàŋgò wà ànyu a lìŋgànì ò lì è ŋgbà è ŋginyà yà lìkànèyà.

È ɔŋgɔ̀ tɛ̀ ìkàkà ja wòmbe ì rzà gbeyà mbòta tɔ̀ rzàà, ì rzà òhvi hvɛ tɔ̀ èki ema ja ùta lì gbeyà la awu. Ndi Lohwɛ̀ à ji lìrzɛ̀. È rza hwi nanù ema è òhvì wòlìtò lì akà hwènɔ̀nì e?

“O èŋgànɛ̀lɛ̀, è rzì òka lì ikà mèèmà me anyu ò mamɛ ema e làa, tɔ̀ lì nyɔ. Hwenè hweyà hwe rzìi e tàkìrzɛ̀.

Lohwɛ̀ à wɔ̀tìrzɛ̀ tɛ hwèwùle hwe lìkòmbà la wàŋgà ema hwe hwèlì anù yàwònò rzìi ŋmɛ̀lɛ̀ hwe àŋgbahwa ò mùnya. Mɔ̀ a rza tànɛyi lì è wɔ̀tìrzɛ̀ lì akà hwèwùle e? Mamɛ ndeŋgàtɛ màlòkɛ̀ ma anyù ma utu e?

O rzà ènje tɔ̀ eyà ema e utami ema e rza ò jà lì wurzà. O rzà ènje hvɛ tɔ̀ eyà ema è hwandahwi ema è rza ò hwiyàhwà.