Popular Bible Verses from Yòwanìrzɛ̀ 19

Паҳн кунед

Nà òma Yerzù à mà nyɔ hweŋge hwèkàkò hwe mimba, rzi a òhwa nanù ema, “O ku.” Rzìi à ujɛ mòòhvò rzìi a undɛnɛ.

O mburza nanù Yerzù à mà hwiya ema hweyà hwe arzɛ hwe ma kùwa. O lì òndìrzɛ̀ mamɛ e ma tìlahwa ò Kaàti ya Lohwà rzìi mɔ̀ à òhwa nanù ema, “Nà hwèya e nyìrzɛ̀.”

Nà òma Yerzù à mà ɛnɛ nyàŋgò yà eni nà è mòòkòwèlì ema à mà lìŋgàne hwa tɛ̀mì aŋga rzìi à òhweyà nyàŋgɛ nanù ema, “Iyàkà è ŋmanà wà aŋgɔ̀ òŋgò.” Rzi à òhweyà hvɛ òŋgò mòòkòwèlì wà eni mɔ̀ hvɛ nanù ema, “Nyɔ̀ŋgɛ òŋgò.” Lìwòteyà èŋge hvònda òŋgò mòòkòwèlì à mà wòwa Yerzù nyàŋgɛ ò ndawò yà eni.

Ndi na òma hwà mà je òma Yerzù hwà mà ùŋmanɛlɛ nanù ema à mà màa lì ŋwa, ò èŋgànɛ̀lɛ̀ hwa rzi mò hwɛndɛ meende me eni. Ndi tɔ̀ nanù ŋmanèlì wa njuma mɔ̀kɔ à mà mò uŋmana lìyɔ̀ŋgɔ̀ ò tòŋgòŋgò ya eni. Lìwòkìmɛnɛ rzìi màyija na malìhwa rzìi ma wurza.

Hwenè hwèya hwà mà gbèyɛ̀nɛ ndi ò lì òndìrzɛ̀ mamɛ ema e ma tìlahwa ò Kaàti ya Lohwà nanù ema, “Tɔ̀ èerze ya eni yɔ̀kɔ e rza hwɛndɛhwɛ.” Ndèŋgana è tìlahwì ò Kaàti yà Lohwà nanù ema, “Hwa ɔ̀ŋgɔ è mɔ̀ ema à uŋmahwi lìyɔ̀ŋgɔ̀.”

Yerzù ŋmitɛ-ŋmitɛ à mà hwanɛ̀ e mbarza rzìi a e ɛ̀ndɛnɛ èki ema e hwɛ̀lɛ̀hwɛ̀, nanù ema, “Èki ya ekeke ya mèyòhvò” eŋge èki e hwɛ̀lɛ̀hwɛ̀ ndi Gòlgotà ò mbɔrzi ya Hibrù.

Hwàànà njùma rzi hwa lìŋgɛ̀lɛ̀ hwèkɔ̀kɔ̀ hwe mayi è mà hwe mà òhva ì njenje, rzìi hwa wèka tamba ema è mà àyɛ̀kɛ̀nɛ̀ ekòòtò rzìi hwa mò wɔ̀tìrzɛ̀ è yɔ̀ ò mòhvò. Rzìi hwa mò wɔ̀tìrzɛ̀ hvɛ mòŋgòmbè mò teya ema mò mà àyɛ̀kɛ̀nɛ̀ mòŋgòmbè mò ama kiŋgɛ̀.