Popular Bible Verses from Yòwanìrzɛ̀ 16

Паҳн кунед

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Ndi e Èlìŋgɛ̀ ya jɔ̀kɛ̀ e jelì tɛ, ye e tìmba ò lì hwiya e jɔ̀kɛ̀ ya arzɛ. Mɔ̀ a rza ò òhwa lì hvòmɛ̀nɛ̀ lìkànèyà la eni. Eyà ema hwa mò òhweyà yɔ ndi à ò òhwa, ndèŋgàna a ò e òhweyà hvɛ hweyà ema hwe ò gbèyɛ̀nɛ.

Nàtɛ̀ɛ nà nàŋgɛ è rzi mò ijòwi tɔ̀ yomà ò lìnà là ami. E ijòwa Lohwɛ̀, à ò ŋgbà, òma mɔ̀nyɛ̀ŋgì mò anyu mò mà ònda.

Ndi na e òhweyà ndi e jɔ̀kɛ̀. È hwèlì gbamù nanù ema, imba na ɛ̀ndɛ. Èhwanja imba na rza ɛ̀ndi tɛ nanù òma e Moòŋgòwànèlì a rza e jèeyà. Ndi na ɛndi tɛ, na e òmeya e mɔ̀. Ndì Mɔ̀ a jelì tɛ a e uŋmɛ̀lɛ̀ hwatò hwa ene rze ema lì rzɔŋgìtɛ̀nɛ̀ la awu lì hvòmɛ̀nɛ̀ lì gbeyà la wòhwe na lì gbeyà la hweyà hwe jɔ̀kɛ̀ hwe rza lɔ̀wu. Ndèŋgana wɔ̀ hwa rza ò rzɔŋgìtɛ̀nɛ̀ hwèkayirzelì hwe ama Lohwɛ̀.

Nànu ndi e hwèlì na inyɔ. È arzuumɛ nàŋgɛ ndi na hwɛnì lì e ɛnɛ hvɛ. O eŋge hvònda e òka mɔ̀nyɛ̀ŋgì. Ndèŋgànɛ̀lɛ̀ ò rza enje tɔ̀ mòtò tɔ̀ mɔ̀kɔ ema a wòwa mɔ̀nyɛ̀ŋgì mò anyu. Ò wòŋgò wùnyà è rza ò nò ijòwa hvɛ tɔ̀ eyà. Nà è òhweyà ndi è jɔ̀kɛ̀ ema Tatɛ̀ à è ŋgbà ndi tɔ̀ mamɛ ema è ijò ò lìnà là ami.

Nà e òhweyà ndi e jɔ̀kɛ̀, e ò èya na lì ɛhwɛ ndi e rze e hwɛ ò mɔ̀nyɛ̀ŋgì. È ò hwɛ ndi rzɔ̀lùu, ndi e rzɔ̀lùu e anyu e ò tìmba ndi mɔ̀nyɛ̀ŋgì.