Popular Bible Verses from Juan 17

Паҳн кунед

Soꞌmacseva p̂eyacdyeꞌ mi ĉojtyiꞌĉan muꞌin paj qui mídyety in, anic cätssis mọꞌ p̂eyacdyeꞌ mi jam cäjsis.

Tyi chuc mi chäyintyiꞌ in judyeyaꞌ yụ chimeꞌ chäyin yụ in, muꞌin raꞌ míyaꞌ bäꞌyi in, meꞌdye mimꞌ yirity Anictyity Jenꞌ, judyeyaꞌ yụ Jesucristo jutactyiꞌ mi.

Jam muꞌindyes mọmoꞌ cọdaqui yụ, chimeꞌdye cọdaqui yụ jäquiꞌve raꞌ anicjintyidyes yụ in. Muꞌin raꞌ anicjin yụ in ĉaĉaij na raꞌ seꞌvacsebi p̂eyacdyeꞌ muꞌinsiꞌ in tsimꞌtactyis mi, muꞌindyes chimeꞌ cọdaqui yụ. Yụ́tyiꞌ Jenꞌ, yụ cọdyeye paj qui vaj cäts dyijyi in räj muꞌin in yojdyemꞌ yụ u mítum vaj cäts dyijyejaꞌ. Yụ cọdyeye paj qui meꞌdye muꞌin chimeꞌ in vaj cäts dyijyi tsuntum in, chat qui raꞌ jacchety muntyiꞌ in anicjin yụ in junꞌ chuc yụ anictyity jutactyiꞌ mi.

Yụ jam cọdyeye paj qui jetacseshan mi, mọꞌ mọmoꞌ cọdyeye paj qui ñutsjeyacsi mi Sọyoꞌyaꞌ in, paj qui jam meꞌtacsiꞌ Sọyoꞌ.

Mọꞌ fer buꞌyedyeꞌ soꞌmitis jiquej yụ mi, yụ qui mọꞌ jiꞌjiyeyacsi, paj qui muꞌin vaj cäts dyijyi in yojdyemꞌ yụ u mítum vaj yirity tsun. Meꞌ buꞌyi yụ muꞌintum in, yojdyemꞌ mi yụ́tum u, paj qui vaj cäts dyijyi in, meꞌ raꞌ jacchety muntyiꞌ in chịj raꞌ in junꞌ chuc yụ anictyity jutactyiꞌ mítyiꞌ, judyeyaꞌ raꞌ chịj chimeꞌ in mi mạꞌjeyacsi muꞌin anicjintyiꞌ yụ in, yojdyemꞌ mi u mạꞌjitim, meꞌdye chimeꞌ muꞌin in mạꞌjeyacsi mi.